ಶ್ರೀಲಂಕಾ ವಿರುದ್ಧ 96ಕ್ಕೆ ಉದುರಿದ ನಮೀಬಿಯಾ

ಅಬುಧಾಬಿ: ಸೋಮವಾರ ರಾತ್ರಿಯ ಟಿ20 ವಿಶ್ವಕಪ್‌ ಅರ್ಹತಾ ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ ತೀವ್ರ ಬ್ಯಾಟಿಂಗ್‌ ಕುಸಿತ ಅನುಭವಿಸಿದ ನಮೀಬಿಯಾ 19.3 ಓವರ್‌ಗಳಲ್ಲಿ 96 ರನ್ನಿಗೆ ಆಲೌಟ್‌ ಆಗಿದೆ.

ಸ್ಪಿನ್ನರ್‌ಗಳಾದ ಮಹೇಶ್‌ ತೀಕ್ಷಣ 25ಕ್ಕೆ 3 ವಿಕೆಟ್‌ ಮತ್ತು ವನಿಂದು ಹಸರಂಗ 24ಕ್ಕೆ 2 ವಿಕೆಟ್‌ ಕಿತ್ತು ನಮೀಬಿಯಾವನ್ನು ಕಾಡಿದರು. ಕೇವಲ ಮೂವರಿಂದಷ್ಟೇ ಎರಡಂಕೆಯ ಗಳಿಕೆ ಸಾಧ್ಯವಾಯಿತು.

ಕ್ರೆಗ್‌ ವಿಲಿಯಮ್ಸ್‌ (29) ಮತ್ತು ನಾಯಕ ಗೆರಾರ್ಡ್‌ ಎರಾಸ್ಮಸ್‌ (20) 3ನೇ ವಿಕೆಟಿಗೆ 39 ರನ್‌ ಒಟ್ಟುಗೂಡಿಸಿದ್ದೇ ತಂಡದ ದೊಡ್ಡ ಜತೆಯಾಟವೆನಿಸಿತು.