Advertisement
ಸಿಪಿಎಂ ಕಾರ್ಯಕರ್ತ ಸೋಂಕಾಲು ನಿವಾಸಿ ಅಝೀಝ್ ಪುತ್ರ ಅಬೂ ಬಕ್ಕರ್‌ ಸಿದ್ದೀಕ್‌ (24) ಮೃತಪಟ್ಟ ವರು. ರಾತ್ರಿ 11ರ ಸುಮಾರಿಗೆ ಪ್ರತಾಪನಗರದಲ್ಲಿ ಸ್ನೇಹಿತರೊಂದಿಗೆ ಮಾತನಾಡುತ್ತಿದ್ದ ಸಂದರ್ಭ ಬೈಕ್‌ನಲ್ಲಿ ಬಂದ ನಾಲ್ವರು ಚೂರಿಯಿಂದ ಇರಿದು ಹತ್ಯೆಗೈದರು ಎನ್ನಲಾಗಿದೆ.
ಪ್ರತಾಪನಗರದ ಸಾರ್ವಜನಿಕ ಸ್ಥಳದಲ್ಲಿ ತಂಡವೊಂದು ಮದ್ಯ ಸೇವಿಸುತ್ತಿದ್ದು ಅಬೂಬಕ್ಕರ್‌ ಸಿದ್ದಿಕ್‌ ವಿರೋಧಿಸಿದ್ದರು. ಆಗ ತಂಡವು ತೆರಳಿತ್ತು. ಅಬೂಬಕ್ಕರ್‌ ಆ ಬಳಿಕವೂ ಅಲ್ಲೇ ಇದ್ದರು. ಬಳಿಕ ಆರೋಪಿಗಳು ಬೈಕಿನಲ್ಲಿ ಆಗಮಿಸಿ ಅಬೂಬಕ್ಕರ್‌ ಅವರಿಗೆ ಇರಿದು ಪರಾರಿಯಾದರು ಎಂದು ಪೊಲೀಸರು ತಿಳಿಸಿದ್ದಾರೆ.
ಕತಾರ್‌ನಲ್ಲಿ ಉದ್ಯೋಗಿ ಹತ್ಯೆಯಾದ ಸಿದ್ದಿಕ್‌ ಕತಾರ್‌ನಲ್ಲಿ ಹೊಟೇಲ್‌ ನೌಕರನಾಗಿದ್ದು, 10 ದಿನಗಳ ಹಿಂದೆ ಊರಿಗೆ ಬಂದಿದ್ದರು. ಹರತಾಳ
ಪ್ರಕರಣ ಖಂಡಿಸಿ ಮಂಜೇಶ್ವರ ತಾಲೂಕಿನಲ್ಲಿ ಸೋಮವಾರ ಮಧ್ಯಾಹ್ನದಿಂದ ಸಿಪಿಎಂ ಕರೆಯಂತೆ ಹರತಾಳ ನಡೆಯಿತು. ವ್ಯಾಪಾರ ಸಂಸ್ಥೆಗಳು ಮುಚ್ಚಿದ್ದವು. ಬಸ್‌ಗಳು ಸಂಚಾರ ಸ್ಥಗಿತಗೊಳಿಸಿದವು. ಆಟೋ ರಿಕ್ಷಾ, ಟ್ಯಾಕ್ಸಿ ಸಂಚಾರವೂ ಇರಲಿಲ್ಲ. ಶಿಕ್ಷಣ ಸಂಸ್ಥೆಗಳಿಗೂ ರಜೆ ನೀಡಲಾಗಿತ್ತು.
Related Articles
Advertisement
ಮಂಜೇಶ್ವರ ತಾಲೂಕಿಗೆ ಎರಡು ದಿನ ಹರತಾಳ !ಕುಂಬಳೆ: ಹತ್ಯೆ ಖಂಡಿಸಿ ಸೋಮವಾರ ಎಡರಂಗ ಹರತಾಳಕ್ಕೆ ಕರೆ ನೀಡಿತ್ತು. ವಿವಿಧ ಬೇಡಿಕೆ ಮುಂದಿರಿಸಿ ವಾಹನ ವ್ಯವಸಾಯ ಸಂರಕ್ಷಣಾ ಸಮಿತಿ ಮಂಗಳವಾರ ಮಧ್ಯ ರಾತ್ರಿ ಯಿಂದ 24 ಗಂಟೆಗಳ ರಾಜ್ಯಾದ್ಯಂತ ಹರತಾಳಕ್ಕೆ ಕರೆ ನೀಡಿದೆ. ಮಂಜೇ ಶ್ವರ ತಾಲೂಕಿನವರು ಎರಡು ದಿನ ಹರತಾಳ ಅನುಭವಿಸಬೇಕಾಗಿದೆ.