ದಶಕದ ನಂತರ ಸಾರ್ವಜನಿಕವಾಗಿ ಕಾಣಿಸಿಕೊಂಡ ಧೋನಿ

ರಾಂಚಿ: ಭಾರತ ತಂಡದ ಕ್ರಿಕೆಟಿಗ, ಮಾಜಿ ನಾಯಕ ಎಂ.ಎಸ್‌.ಧೋನಿ ತಮ್ಮ ತವರಾದ ಜಾರ್ಖಂಡ್‌ ರಾಜಧಾನಿ
ರಾಂಚಿಯಲ್ಲಿ 10 ವರ್ಷಗಳ ನಂತರ ಸಾರ್ವಜನಿಕ ಸ್ಥಳದಲ್ಲಿ ಕಾಣಿಸಿಕೊಂಡಿದ್ದಾರೆ. ಧೋನಿ ನೋಡಲು ಅಭಿಮಾನಿಗಳು ಮುಗಿ ಬಿದ್ದಿರುವ ಘಟನೆಯೂ ನಡೆದಿದೆ. ರಾಂಚಿಯ ಹೃದಯ ಭಾಗದಲ್ಲಿರುವ ನ್ಯೂಕ್ಲಿಯಸ್‌ ಮಾಲ್‌ನಲ್ಲಿ ಫಿಟ್ನೆಸ್ ಮತ್ತು ಕ್ರೀಡಾ ಉಡುಪು ಮಳಿಗೆ “ಸೆವೆಲ್‌’ ಉದ್ಘಾಟನೆಗೆ ಧೋನಿ ಆಗಮಿಸಿದ್ದರು. ಈ ಸಂದರ್ಭದಲ್ಲಿ ಧೋನಿ ನೋಡಿಲು ಮಾಲ್‌ನಲ್ಲಿ ಜನ ತುಂಬಿ ತುಳುಕುತ್ತಿದ್ದರು. ನಂತರ ಮಾನಾಡಿರುವ ಧೋನಿ, ತನಗೆ ಇದು ವಿಶೇಷ ದಿನ, ಸುಮಾರು 10 ವರ್ಷಗಳ ನಂತರ ರಾಂಚಿಯ ಸಾರ್ವಜನಿಕ ಸ್ಥಳಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದೇನೆ. ತುಂಬಾ ಸಂತಸವಾಗುತ್ತಿದೆ ಎಂದು ತಿಳಿಸಿದ್ದಾರೆ.