ಅಮ್ಮ…!

ಮನೆ ಮನೆಯಲ್ಲೂ  ಮನ ಮನದಲ್ಲೂ

ಕಟ್ಟುವಳು ಮಮತೆಯ ತೋರಣ…

ಅವಳು ಒಲವೊ ಕಾಣದ ಹಾಗೆ

ಇರುವ ಹೋಳಿಗೆಯೊಳಗಿನ ಹೂರಣ…

ಅನುಗಾಲವು ಮನೆಯಲ್ಲಿ ಬಿಡುವಿಲ್ಲದೆ

ಕೆಲಸ ಮಾಡಲು ಪಣತೊಟ್ಟ ಯಂತ್ರ….

ದೇಹಕ್ಕೆ ರಕ್ತ ಸರಬರಾಜು ಮಾಡಲು ನಿಂತ

ಹೃದಯಕ್ಕೆ ಸಮಾನಳು ಅವಳಂತ…

ಅಂದು ಮನೆಯ ಕಡೆ ಮುಖ ಮಾಡಿದರೆ

ನೆನಪಾಗುತ್ತಿದ್ದವಳು ಅದೇ ಅಮ್ಮ

ಇಂದು ಕೇವಲ ವೀಡಿಯೋ ಕಾಲ್‌ನಲ್ಲಿ

ನೀ ಆರಾಮ, ನಾ ಆರಾಮ…

ಬೇಗ ನಾ ಹಾಡಬೇಕೆಂದು ಬಯಸಿದರು

ಇಂತಹ ಸ್ಥಿತಿಗೆ ವಿರಾಮ

ಅದೆನೋ ಕೊರೊನಾ ಅನ್ನುವ

ರೋಗಾಣುವಂತೆ ರಾಮ..ರಾಮ…

 

ಗೋವರ್ಧನ ಗಿರಿ ಜೋಷಿ, ಲಂಡನ್‌