ಕೇರಳ ಚಿತ್ರೋತ್ಸವಕ್ಕೆ ಮೂಕ ನಾಯಕ

ಕೇರಳ ಚಲನಚಿತ್ರ ಅಕಾಡೆಮಿಯು ಪ್ರತಿ ವರ್ಷ ಆಯೋಜಿಸುವ ರಾಷ್ಟ್ರೀಯ ಚಿತ್ರೋತ್ಸವಕ್ಕೆ ಬರಗೂರು ರಾಮಚಂದ್ರಪ್ಪ ನಿರ್ದೇಶನದ “ಮೂಕ ನಾಯಕ’ ಚಿತ್ರವು ಆಯ್ಕೆಯಾಗಿದೆ. ಕೇರಳದ ಈ 10ನೇ ಚಿತ್ರೋತ್ಸವವು ಜೂನ್‌ 8ರಿಂದ 12ರವರೆಗೆ ನಡೆಯಲಿದೆ.

ಈ ಮುನ್ನ “ಮೂಕ ನಾಯಕ’ ಚಿತ್ರವು ಬೆಂಗಳೂರು ಅಂತಾರಾಷ್ಟ್ರೀಯ ಚಿತ್ರೋತ್ಸವದಲ್ಲಿ ಪ್ರದರ್ಶನವಾಗುವುದರ ಜೊತೆಗೆ ಮುಂಬೈ ಮತ್ತು ನೋಯ್ಡ ಅಂತಾರಾಷ್ಟ್ರೀಯ ಚಿತ್ರೋತ್ಸವದಲ್ಲಿ ಪ್ರಶಂಸಾ ಪತ್ರಕ್ಕೆ ಭಾಜನವಾಗಿದೆ. ಜುಲೈ ಅಥವಾ ಆಗಸ್ಟ್‌ ತಿಂಗಳಲ್ಲಿ ಈ ಚಿತ್ರವು ಕರ್ನಾಟಕ ಮತ್ತು ಅಮೇರಿಕಾದಲ್ಲಿ ಏಕಕಾಲದಲ್ಲಿ ಬಿಡುಗಡೆಯಾಗಲಿದೆ.

ಕುಮಾರ್‌ ಗೋವಿಂದ್‌ “ಮೂಕ ನಾಯಕ’ನಾಗಿ ಕಾಣಿಸಿಕೊಂಡಿರುವ ಈ ಚಿತ್ರದಲ್ಲಿ “ಸ್ಪರ್ಶ’ ರೇಖ, ಶೀತಲ್‌ ಶೆಟ್ಟಿ, ಸುಂದರ್‌ ರಾಜ್‌, ವೆಂಕಟರಾಜು ಮುಂತಾದವರು ಅಭಿನಯಿಸಿದ್ದಾರೆ.

ಬಾಲರಾಜ್‌ ಸಂಜೀವ್‌ ಮೂವೀಸ್‌ನಡಿ ಬಾಲರಾಜ್‌ ಅವರು ನಿರ್ಮಿಸಿರುವ ಈ ಚಿತ್ರಕ್ಕೆ ಬರಗೂರು ರಾಮಚಂದ್ರಪ್ಪ ಅವರು ಕಥೆ, ಚಿತ್ರಕಥೆ, ಸಂಭಾಷಣೆ ಬರೆಯುವುದರ ಜೊತೆಗೆ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಶಮಿತಾ ಮಲಾ°ಡ್‌ ಅವರ ಸಂಗೀತ ನಿರ್ದೇಶನ, ಸುರೇಶ್‌ ಅರಸ್‌ ಅವರ ಸಂಕಲನ, ನಾಗರಾಜ್‌ ಆದವಾನಿ ಛಾಯಾಗ್ರಹಣ ಈ ಚಿತ್ರಕ್ಕಿದೆ.