Moodabidire: ಗ್ಯಾಸ್‌ ಗೀಸರ್‌ ಕೆಮಿಕಲ್‌ ಹರಡಿ ಸಾವು

ಮೂಡುಬಿದಿರೆ: ಸ್ನಾನದ ಕೋಣೆಯ ಗ್ಯಾಸ್‌ ಗೀಸರ್‌ನ ರಾಸಾಯನಿಕ ಸೋರಿಕೆ ಆಗಿ ಯುವಕ ಉಸಿರುಗಟ್ಟಿ ಮೃತಪಟ್ಟ ಘಟನೆ ರವಿವಾರ ರಾತ್ರಿ ಮೂಡುಬಿದಿರೆಯ ಕೋಟೆಬಾಗಿಲಿನ ವಸತಿ ಸಂಕೀರ್ಣ ವೊಂದರಲ್ಲಿ ಸಂಭವಿಸಿದೆ.

ಕೋಟೆಬಾಗಿಲಿನ ದಿ| ಅನ್ಸಾರ್‌ ಅವರ ಪುತ್ರ ಶಾರಿಕ್‌ (18) ಮೃತ ಪಟ್ಟವರು. ಸ್ನಾನಕ್ಕೆಂದು ತೆರಳಿ ದಾತ ಬಹಳ ಹೊತ್ತಾದರೂ ಹೊರ ಬರದಿರುವುದನ್ನು ಗಮನಿಸಿದ ಆತನ ಸಹೋದರ ಹೋಗಿ ಪರಿಶೀಲಿಸಿದಾಗ ಶಾರಿಕ್‌ ಸಾವು ಸಂಭವಿಸಿರುವುದು ಗೋಚರಿಸಿತ್ತು.

ಶಾರಿಕ್‌ ಯಾವಾಗಲೂ ಸ್ನಾನದ ಕೋಣೆಯಲ್ಲಿ ಬಹಳ ಹೊತ್ತು ಕಳೆಯುವುದು ಸಾಮಾನ್ಯ ವಾಗಿದ್ದ ಕಾರಣ ಘಟನೆ ಬಗ್ಗೆ ಮನೆ ಯವರಿಗೆ ಮೊದಲು ಅರಿವಾಗಲಿಲ್ಲ. ಶಾರಿಕ್‌ ಪ್ರಥಮ ಪದವಿ ವಿದ್ಯಾರ್ಥಿ ಯಾಗಿದ್ದು, ಕಲಿಕೆಯಲ್ಲಿ ಮುಂದಿದ್ದ.