ಟಿ20: ವೆಸ್ಟ್‌ ಇಂಡೀಸ್‌ ವಿರುದ್ಧ ಇಂಗ್ಲೆಂಡಿಗೆ ಒಂದು ರನ್‌ ಜಯ

ಬ್ರಿಜ್‌ಟೌನ್‌ (ಬಾರ್ಬಡಾಸ್‌): ಆತಿಥೇಯ ವೆಸ್ಟ್‌ ಇಂಡೀಸ್‌ ಎದುರಿನ ದ್ವಿತೀಯ ಟಿ20 ಪಂದ್ಯವನ್ನು ಇಂಗ್ಲೆಂಡ್‌ ಒಂದು ರನ್ನಿನಿಂದ ರೋಚಕವಾಗಿ ಜಯಿಸಿದೆ. 5 ಪಂದ್ಯಗಳ ಸರಣಿ ಸದ್ಯ 1-1 ಸಮಬಲಕ್ಕೆ ಬಂದಿದೆ.

ಮೊದಲು ಬ್ಯಾಟಿಂಗ್‌ ನಡೆಸಿದ ಇಂಗ್ಲೆಂಡ್‌ 8 ವಿಕೆಟಿಗೆ 171 ರನ್‌ ಪೇರಿಸಿ ಸವಾಲೊಡ್ಡಿದರೆ, ವೆಸ್ಟ್‌ ಇಂಡೀಸ್‌ 8 ವಿಕೆಟಿಗೆ 170 ಮಾಡಿ ಶರಣಾಯಿತು.

ಅಂತಿಮ ಓವರ್‌ನಲ್ಲಿ ವಿಂಡೀಸ್‌ ಜಯಕ್ಕೆ 30 ರನ್‌ ಅಗತ್ಯವಿತ್ತು. ಬೌಲರ್‌ ಶಕೀಬ್‌ ಮಹಮೂದ್‌ ಮತ್ತು ಬ್ಯಾಟ್ಸ್‌ಮನ್‌ ಅಖೀಲ್‌ ಹೊಸೇನ್‌ ಮುಖಾಮುಖಿಯಾದರು. ಸಿಡಿದು ನಿಂತ ಹೊಸೇನ್‌ ಆ ಓವರ್‌ನಲ್ಲಿ 28 ರನ್‌ ಬಾಚಿದರು (2 ವೈಡ್‌). ಅಂತಿಮ 3 ಎಸೆತಗಳಲ್ಲಿ 20 ರನ್‌ ಅಗತ್ಯವಿದ್ದಾಗ ಹ್ಯಾಟ್ರಿಕ್‌ ಸಿಕ್ಸರ್‌ ಸಿಡಿಸಿದರು!

ಹೊಸೇನ್‌ ಗಳಿಕೆ 16 ಎಸೆತಗಳಿಂದ ಅಜೇಯ 44 ರನ್‌ (3 ಬೌಂಡರಿ, 4 ಸಿಕ್ಸರ್‌). ಇನ್ನೊಂದೆಡೆ ರೊಮಾರಿಯೊ ಶೆಫ‌ರ್ಡ್‌ ಕೂಡ 28 ಎಸೆತಗಳಿಂದ ಅಜೇಯ 44 ರನ್‌ ಬಾರಿಸಿದರು (5 ಸಿಕ್ಸರ್‌, 1 ಫೋರ್‌).

ಇದನ್ನೂ ಓದಿ:ಪ್ರೊ ಕಬಡ್ಡಿ: ದಿಲ್ಲಿಯನ್ನು ಕೆಡವಿದ ಪುನೇರಿ ಪಲ್ಟಾನ್‌