ಮೋದಿ, ಸಿಂಗ್‌ ಫಾರಿನ್‌ ಟೂರ್‌

ಪ್ರಧಾನಿ ನರೇಂದ್ರ ಮೋದಿ ಸದಾ ವಿದೇಶ ಪ್ರವಾಸದಲ್ಲಿರುತ್ತಾರೆ ಎಂಬ ಪ್ರತಿಪಕ್ಷಗಳ ಟೀಕೆಗಳು ಸಾಮಾನ್ಯವಾಗಿವೆ. ಆದರೆ, ಕಳೆದ ಯುಪಿಎ-2 ಸರ್ಕಾರದಲ್ಲಿ ಪ್ರಧಾನಿಯಾಗಿದ್ದ ಮನಮೋಹನ್‌ ಸಿಂಗ್‌ ಅವರ ವಿದೇಶಿ ಪ್ರವಾಸವನ್ನು ಮೋದಿಗೆ ಹೋಲಿಕೆ ಮಾಡಿದರೆ ಬಹುತೇಕವಾಗಿ ಸಾಮ್ಯತೆ ಇದೆ. ಎನ್‌ಡಿಎ ಸರ್ಕಾರದ 4 ವರ್ಷದ ಅವಧಿಯಲ್ಲಿ 36 ಬಾರಿ ವಿದೇಶಿ ಪ್ರವಾಸ ಕೈಗೊಂಡಿರುವ ಮೋದಿ, ಏರ್‌ಇಂಡಿಯಾ ವಿಮಾನ ಬಳಸಿದ್ದಕ್ಕಾಗಿ 387.26 ಕೋಟಿ ರೂ. ವ್ಯಯಿಸಿದ್ದಾರೆ. ಯುಪಿಎ-2 ಸರ್ಕಾರದಲ್ಲಿ ಸಿಂಗ್‌ ಕೂಡ 4 ವರ್ಷದಲ್ಲಿ 31 ವಿದೇಶಿ ಪ್ರವಾಸ ಕೈಗೊಂಡು ಏರ್‌ಇಂಡಿಯಾಗೆ 386.35 ಕೋಟಿ ರೂ. ಪಾವತಿಸಿದ್ದಾರೆ. ಇದರಲ್ಲಿ ಸಿಂಗ್‌ಗಿಂತ ಮೋದಿ 91 ಲಕ್ಷ ರೂ. ಹೆಚ್ಚು ವ್ಯಯಿಸಿದ್ದಾರೆ.