Mika Singh: ಮಿಕಾ ಹಾಡಿಗೆ ಫಿದಾ..‌ಪಾಕ್‌ ಅಭಿಮಾನಿಯಿಂದ 3 ಕೋಟಿ ರೂ. ವಾಚ್‌, ಚಿನ್ನ ಗಿಫ್ಟ್

ಮುಂಬಯಿ: ಬಾಲಿವುಡ್‌, ಪಂಜಾಬಿಯಲ್ಲಿ ಸೂಪರ್‌ ಹಿಟ್ ಹಾಡುಗಳನ್ನು ನೀಡಿರುವ ಗಾಯಕ ಮಿಕಾ ಸಿಂಗ್ (Singer Mika Singh) ಅವರಿಗೆ ಅಪಾರ ಅಭಿಮಾನಿಗಳಿದ್ದಾರೆ.

ದೇಶ – ವಿದೇಶದಲ್ಲಿ ಮ್ಯೂಸಿಕ್‌ ಕಾನ್ಸರ್ಟ್‌ ಗಳನ್ನು ನೀಡುವ ಮಿಕಾ ಸಿಂಗ್‌ ಇತ್ತೀಚೆಗೆ ಯುಎಸ್‌ ನ ಬಿಲೋಕ್ಸಿನಲ್ಲಿ ಮ್ಯೂಸಿಕ್‌ ಪ್ರೋಗ್ರಾಂ ನೀಡಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಅವರ ಅಭಿಮಾನಿಯೊಬ್ಬರು ಗಾಯಕನಿಗೆ ದುಬಾರಿ ಗಿಫ್ಟ್‌ ನೀಡಿದ್ದಾರೆ.

ಮಿಕಾ ಅವರು ಹಾಡನ್ನು ಹಾಡುತ್ತಿದ್ದ ಸಂದರ್ಭದಲ್ಲಿ ಪಾಕಿಸ್ತಾನ ಮೂಲದ ಅವರ ಅಭಿಮಾನಿಯೊಬ್ಬರು ವೇದಿಕೆಗೆ ಬಂದು ವೈಟ್‌ ಗೋಲ್ಡ್‌ ಚೈನ್, ವಜ್ರದ ಉಂಗುರ, ವೈಟ್‌ ಗೋಲ್ಡ್‌  ಬ್ರೆಸ್‌ ಲೆಟ್ ಮತ್ತು 3 ಕೋಟಿ ಮೌಲ್ಯದ ರೋಲೆಕ್ಸ್‌ ವಾಚ್‌ ನೀಡಿದ್ದಾರೆ.

ಅಭಿಮಾನಿಯ ಉಡುಗೊರೆಯನ್ನು ಪ್ರೀತಿಯಿಂದಲೇ ಮಿಕಾ ಅವರು ಸ್ವೀಕರಿಸಿ ಹಾಡು ಹಾಡುವುದನ್ನು ಮುಂದುವರೆಸಿದ್ದಾರೆ.

ಸದ್ಯ ಈ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ಭಾರೀ ವೈರಲ್‌ ಆಗಿದೆ.

ಮಿಕಾ ಸಿಂಗ್‌ ʼಸಾವನ್ ಮೇ ಲಗ್ ಗಯಿ ಆಗ್ʼ, ʼಸಿಂಗ್‌ ಇಸ್‌ ಕಿಂಗ್‌ʼ, ʼಮೌಜಾ ಹಿ ಮೌಜಾʼ, ʼದಿಲ್ ಮೇ ಬಾಜಿ ಗಿಟಾರ್ʼ, ʼಪಾರ್ಟಿ ತೋ ಬಂತಿ ಹೈʼ ʼ440 ವೋಲ್ಟ್ʼ ಸೇರಿದಂತೆ ಹತ್ತಾರು ಸೂಪರ್‌ ಹಿಟ್‌ ಹಾಡಿಗೆ ಧ್ವನಿಯಾಗಿದ್ದಾರೆ.

ಮಿಕಾ ಬಾಲಿವುಡ್‌ನ ಅತ್ಯಂತ ಜನಪ್ರಿಯ ಹಿನ್ನೆಲೆ ಗಾಯಕರಲ್ಲಿ ಒಬ್ಬರು ಮಾತ್ರವಲ್ಲದೆ ಅತಿ ಹೆಚ್ಚು ಸಂಭಾವನೆ ಪಡೆಯುವ ಕಲಾವಿದರಲ್ಲಿ ಒಬ್ಬರು.