Traditional Vegan Dishes; ಅತ್ಯುತ್ತಮ ಖಾದ್ಯ ಪಟ್ಟಿಗೆ “ಮಿಸಲ್‌ ಪಾವ್‌’

ಮುಂಬೈ: ಜಗತ್ತಿನ “ಅತ್ಯುತ್ತಮ ಸಾಂಪ್ರದಾಯಿಕ ಸಸ್ಯಾಹಾರಿ ಖಾದ್ಯ’ಗಳ ಪಟ್ಟಿಯಲ್ಲಿ ಈಗ ಮಹಾರಾಷ್ಟ್ರದ ಜನಪ್ರಿಯ ಮಿಸಲ್‌ ಪಾವ್‌ ಸ್ಥಾನ ಪಡೆದಿದೆ.

ಟಾಪ್‌ 10 ಸ್ಥಾನಗಳಲ್ಲಿ ವಿದೇಶಿ ಖಾದ್ಯಗಳು ಪಡೆದಿದ್ದರೆ, 11ನೇ ಸ್ಥಾನ ಮಿಸಲ್‌ ಪಾವ್‌ಗೆ ದೊರೆತಿದೆ. ಆಹಾರ ಮಾರ್ಗದರ್ಶಿ ಪ್ಲಾಟ್‌ಫಾರಂ ಆಗಿರುವ ಟೇಸ್ಟ್‌ ಅಟ್ಲಾಸ್‌ ಈ ರ್‍ಯಾಂಕಿಂಗ್‌ ಅನ್ನು ಬಿಡುಗಡೆ ಮಾಡಿದೆ.

ಇನ್ನು, ಭಾರತದ ಖಾದ್ಯಗಳಾದ ಆಲೂ ಗೋಬಿ 20ನೇ ಸ್ಥಾನ ಪಡೆದರೆ, 22ನೇ ಸ್ಥಾನವನ್ನು ರಾಜ್ಮಾ ಪಡೆದಿದೆ. ಗೋಬಿ ಮಂಚೂರಿಯನ್‌ 24ನೇ ಸ್ಥಾನವನ್ನು ಆಕ್ರಮಿಸಿಕೊಂಡರೆ, ಮಸಾಲ ವಡೆ 27ನೇ ಸ್ಥಾನ ಪಡೆದಿದೆ.