ಒಂಟೆ ಸವಾರಿ ವಿಡಿಯೋ ಹಂಚಿಕೊಂಡ ಸಚಿವ ಕಿರಣ್‌ ರಿಜಿಜು 

ನವದೆಹಲಿ: ವಿಶ್ವಾದ್ಯಂತ ಶನಿವಾರದಂದು ಅಂತಾರಾಷ್ಟ್ರೀಯ ಪರ್ವತ ದಿನವನ್ನು ಆಚರಿಸಲಾಗಿದೆ. ಆ ಹಿನ್ನೆಲೆಯಲ್ಲಿ ಕೇಂದ್ರ ಸಚಿವ ಕಿರಣ್‌ ರಿಜಿಜು ತಮ್ಮ ಒಂಟೆ ಸವಾರಿಯ ವಿಡಿಯೋ ಹಂಚಿಕೊಂಡು, ಪರ್ವತ ರಕ್ಷಣೆಗಾಗಿ ಜನರಲ್ಲಿ ಮನವಿ ಮಾಡಿದ್ದಾರೆ.

“ಅಂತಾರಾಷ್ಟ್ರೀಯ ಪರ್ವತ ದಿನವಾದ ಇಂದು, ಸುಂದರವಾದ ನಿಸರ್ಗ ಮತ್ತು ಭವ್ಯವಾದ ಪರ್ವತಗಳನ್ನು ರಕ್ಷಿಸುವ ಪ್ರತಿಜ್ಞೆ ಮಾಡೋಣ’ ಎಂದು ಅವರು ಟ್ವೀಟ್‌ ಮಾಡಿದ್ದಾರೆ.

ಅದರ ಜೊತೆ ಜನವರಿಯಲ್ಲಿ ಖೇಲೋ ಇಂಡಿಯಾ ಚಳಿಗಾಲದ ಕ್ರೀಡಾ ಉತ್ಸವದ ಉದ್ಘಾಟನೆಗೆಂದು ಲಡಾಖ್‌ಗೆ ತೆರಳಿದ್ದಾಗ ಒಂಟೆ ಸವಾರಿ ಹೋಗಿದ್ದ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.