ಆರೇ ನಿಮಿಷಕ್ಕೆ ಪರಿಶೀಲನೆ ಮುಗಿಸಿದ ಸಚಿವ ಜಾರ್ಜ್‌

ಚಾಮರಾಜನಗರ: ತಾಲೂಕಿನ ಬದನಗುಪ್ಪೆ ಕೈಗಾರಿಕಾ ಪ್ರದೇಶಕ್ಕೆ ಸೋಮವಾರ ಭೇಟಿ ನೀಡಿದ್ದ ಭಾರೀ ಮತ್ತು ಮಧ್ಯಮ ಕೈಗಾರಿಕಾ ಸಚಿವ ಕೆ.ಜೆ. ಜಾರ್ಜ್‌ ಕೇವಲ 6 ನಿಮಿಷವಷ್ಟೇ ವೀಕ್ಷಣೆ ನಡೆಸಿದರು. 

ಸಚಿವರು 1,400 ಎಕರೆ ವಿಸ್ತೀರ್ಣದ ಕೈಗಾರಿಕಾ ಪ್ರದೇಶಕ್ಕೆ ಭೇಟಿ ನೀಡಿ, ಅಲ್ಲಿ ಕೈಗಾರಿಕೆಗಳ ಸ್ಥಾಪನೆಗೆ ಬೇಕಾದ ಮೂಲಸೌಕರ್ಯಗಳನ್ನು ಪರಿಶೀಲಿಸಿ, ಪರಿಸ್ಥಿತಿಯ ಅವಲೋಕನ ನಡೆಸುವ ನಿರೀಕ್ಷೆಯಿತ್ತು. 

ಮೈಸೂರು ಕಡೆಯಿಂದ ಕೈಗಾರಿಕಾ ಪ್ರದೇಶದ ಪ್ರವೇಶ ಸ್ಥಳಕ್ಕೆ ಆಗಮಿಸಿದ ಸಚಿವ ಜಾರ್ಜ್‌ ಕಾರಿನಿಂದಿಳಿದು ಸ್ಥಳೀಯ ಶಾಸಕ, ಸಚಿವ ಸಿ.ಪುಟ್ಟರಂಗಶೆಟ್ಟಿ ಅವರಿಂದ ಹೂ ಗುತ್ಛ ಸ್ವೀಕರಿಸಿದರು.ಬಳಿಕ ಅಧಿಕಾರಿಗಳಿಂದ ಮಾಹಿತಿ ಪಡೆದು ಆರೇ ನಿಮಿಷಕ್ಕೆ ಕಾರು ಹತ್ತಿದರು. ಇದು ಸ್ಥಳೀಯರ ಅಸಮಾಧಾನಕ್ಕೆ ಕಾರಣವಾಯಿತು. ನಗರದಲ್ಲಿ ನಡೆದ ಸಭೆ ಬಳಿಕ ಸುದ್ದಿಗಾರರಿಗೆ ಪ್ರತಿಕ್ರಿಯಿಸಿದ ಸಚಿವರು,”ಕಾಟಾಚಾರಕ್ಕೆ ಚಾಮರಾಜನಗರಕ್ಕೆ ಭೇಟಿ ನೀಡಿಲ್ಲ,ಕಾಟಾಚಾರ ಎಂಬುದು ನನ್ನ ಡಿಕ್ಷನರಿಯÇÉೇ ಇಲ್ಲ.ಕೈಗಾರಿಕಾ ಪ್ರದೇಶದ ಮೂಲಸೌಕರ್ಯವನ್ನಷ್ಟೇ ವೀಕ್ಷಿಸಿದೆ’ ಎಂದರು.