ಕೋವಿಡ್ ಸೋಂಕು : ಮಿಲ್ಖಾ ಸಿಂಗ್‌ ಆಸ್ಪತ್ರೆಗೆ ದಾಖಲು

ಚಂಡೀಗಢ: ಕೊರೊನಾ ಸೋಂಕಿಗೊಳಗಾಗಿರುವ ಭಾರತದ ಆ್ಯತ್ಲೆಟಿಕ್ಸ್‌ ದಂತಕತೆ ಮಿಲ್ಖಾ ಸಿಂಗ್‌ ಅವರನ್ನು ಸೋಮವಾರ ಮೊಹಾಲಿಯ “ಫೋರ್ಟೀಸ್‌ ಆಸ್ಪತ್ರೆ’ಗೆ ದಾಖಲಿಸಲಾಗಿದೆ. ಉಸಿರಾಟದ ಸಮಸ್ಯೆಯಿಂದಾಗಿ ಈ ನಿರ್ಧಾರಕ್ಕೆ ಬರಲಾಯಿತು ಎಂದು ಅವರ ಪುತ್ರ ಜೀವ್‌ ಮಿಲ್ಖಾ ಸಿಂಗ್‌ ತಿಳಿಸಿದರು.

91 ವರ್ಷದ ಮಿಲ್ಖಾ ಸಿಂಗ್‌ ಅವರಿಗೆ ಕಳೆದ ಬುಧವಾರ ಕೊರೊನಾ ಪಾಸಿಟಿವ್‌ ದೃಢಪಟ್ಟಿತ್ತು. ಇಲ್ಲಿಯ ತನಕ ಮನೆಯಲ್ಲೇ ಐಸೊಲೇಶನ್‌ನಲ್ಲಿದ್ದರು. ಆದರೆ ರವಿವಾರದಿಂದ ಅವರು ಏನೂ ತಿನ್ನದ ಕಾರಣ ಹಾಗೂ ಬಹಳ ನಿಶ್ಯಕ್ತಿ ಕಾಡಲಾರಂಭಿಸಿದ್ದರಿಂದ ಆಸ್ಪತ್ರೆಗೆ ಸೇರಿಸಲಾಯಿತು ಎಂದು ಜೀವ್‌ ಹೇಳಿದರು.

“ನನ್ನ ತಂದೆ ಓರ್ವ ಬಲಿಷ್ಠ ಮನಸ್ಥಿ ತಿಯ ವ್ಯಕ್ತಿ. ಯಾವತ್ತೂ ಧನಾತ್ಮಕ ಚಿಂತನೆ ಮಾಡುತ್ತಿರುತ್ತಾರೆ. ಹೀಗಾಗಿ ಅವರು ಬಹಳ ಬೇಗ ಚೇತರಿಸಿಕೊಳ್ಳುವ ವಿಶ್ವಾಸವಿದೆ’ ಎಂದರು.