Advertisement
ಸ್ಟೇಟ್‌ಬ್ಯಾಂಕ್‌ನಲ್ಲಿ ಹಲವು ವರ್ಷಗ ಳಿಂದ ದುರಸ್ತಿಗಾಗಿ ಕಾಯುತ್ತಿದ್ದ ಈ ಬಸ್‌ ನಿಲ್ದಾಣವನ್ನು ಪಾಲಿಕೆ, ಸ್ಮಾರ್ಟ್‌ಸಿಟಿ, ಮುಡಾದಿಂದ ಸುಮಾರು 4.2 ಕೋಟಿ ರೂ. ವೆಚ್ಚದಲ್ಲಿ ಅಭಿವೃದ್ಧಿ ಮಾಡಲಾಗುತ್ತಿದೆ. ಪ್ರಯಾಣಿಕರಿಗೆ ಮಳೆ-ಬಿಸಿಲಿನಿಂದ ರಕ್ಷಣೆಗಾಗಿ ಮೇಲ್ಭಾವಣಿ ನಿರ್ಮಾಣ ಇನ್ನೂ ಆಗಿಲ್ಲ. ಎರಡು ಕಡೆಗಳಲ್ಲಿ ಮಾತ್ರ ಶೆಲ್ಟರ್‌ ನಿರ್ಮಾಣವಾಗಿದೆ. ಬಾಕಿ ಇರುವ ಕಡೆಗಳಲ್ಲಿ ಎತ್ತರದ ಫ್ಲ್ಯಾಟ್‌ ಫಾರಂ ಮಾತ್ರ ಇದೆ. ಇದರಿಂದ ಪ್ರಯಾಣಿಕರಿಗೆ ತೊಂದರೆ ಉಂಟಾಗುತ್ತಿದೆ. ಮುಂದಿನ ದಿನಗಳಲ್ಲಿ ಮಳೆಗೆ ಆಶ್ರಯಿಸಲು ಏನೂ ಇಲ್ಲದೆ, ತೆರೆದ ಪ್ರದೇಶದಲ್ಲೇ ನಿಲ್ಲಬೇಕಾದ ಅನಿವಾರ್ಯವಿದೆ ಎಂದು ಇತ್ತೀಚೆಗೆ ಉದ ಯ ವಾಣಿ ಸುದಿನದಲ್ಲಿ ವಿಸ್ತೃತ ವರದಿ ಪ್ರಕಟಿಸಿತ್ತು.
ಸ್ಟೇಟ್‌ಬ್ಯಾಂಕ್‌ ಸರ್ವಿಸ್‌ ಬಸ್‌ ನಿಲ್ದಾಣದಲ್ಲಿ ಸದ್ಯ ಕೆಎಸ್ಸಾರ್ಟಿಸಿ ಬಸ್‌ಗಳು, ಸಿಟಿ ಬಸ್‌, ಸರ್ವಿಸ್‌, ಒಪ್ಪಂದದ ಮೇರೆಗೆ ಸಾರಿಗೆ ಬಸ್‌ಗಳಿಗೆ ಅವಕಾಶವಿತ್ತು. ಎ. 1ರಿಂದ ಸಿಟಿ ಬಸ್‌ಗಳೂ ಸರ್ವಿಸ್‌ ಬಸ್‌ ನಿಲ್ದಾಣದ ಒಳನಿಂದಲೇ ಪ್ರಯಾಣ ಆರಂಭಿಸುತ್ತಿವೆ. ಸ್ಥಳದಲ್ಲಿ ಸಮರ್ಪಕ ಬಸ್‌ ಶೆಲ್ಪರ್‌ ಇಲ್ಲ, ಕುಡಿಯುವ ನೀರಿನ ವ್ಯವಸ್ಥೆ ಇಲ್ಲ. ಕಾರ್ಪೋರೆಟರ್‌ಗಳಾದ ಶೈಲೇಶ್‌ ಶೆಟ್ಟಿ, ಸಂದೀಪ್‌ ಗರೋಡಿ ಈ ವೇಳೆ ಉಪಸ್ಥಿತರಿದ್ದರು.