ರಸ್ತೆ ಬದಿ ನಿಲ್ಲಿಸಿದ್ದ ಟ್ರ್ಯಾಕ್ಟರ್ ಟ್ರಾಲಿಗೆ ಬೈಕ್ ಡಿಕ್ಕಿ: ಸವಾರ ಸ್ಥಳದಲ್ಲೇ ಮೃತ್ಯು

ಮಸ್ಕಿ: ಸಂಚಾರಕ್ಕೆ‌ ಅಡಚಣೆಯಾಗುವಂತೆ ರಸ್ತೆಯ ಬದಿಯಲ್ಲಿ ನಿಲ್ಲಿಸಿದ ಟ್ರ್ತಾಕ್ಟರ್ ಟ್ರಾಲಿಗೆ ಬೈಕ್ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರ ಸ್ಥಳದಲ್ಲೇ ಸಾವನ್ನಪ್ಪಿರುವ ಘಟನೆ ಅಂಕುಶದೊಡ್ಡಿ ಗ್ರಾಮದ‌ ಹತ್ತಿರ ಗಾಳಿ ದುರ್ಗಮ್ಮ‌ದೇವಸ್ಥಾನ ಬಳಿ ಭಾನುವಾರ ರಾತ್ರಿ ನಡೆದಿದೆ.

ಯಮನಪ್ಪ ಗುಡಿಹಾಳ (40) ಮೃತ ದುರ್ದೈವಿ. ಮೃತ ಮಸ್ಕಿ ತಾಲೂಕಿನ ಗೌಡನಭಾವಿ ಗ್ರಾಮದ ನಿವಾಸಿಯಾಗಿದ್ದು, ಲಿಂಗಸ್ಗೂರುನಿಂದ ಮಸ್ಕಿ ಕಡೆ ಅದೇ ಗ್ರಾಮದ ಗಂಗಣ್ಣ ನಾಯಕ ಎಂಬ ವ್ಯಕ್ತಿಯನ್ನು ಕೂರಿಸಿಕೊಂಡು‌ ಭಾರಿ ವೇಗದಲ್ಲಿ ಬರುತ್ತಿದ್ದರು, ನಿಯಂತ್ರಣ ತಪ್ಪಿ ಗಾಲಿ ಪಂಚರ ಆಗಿ ಮುಖ್ಯ ರಸ್ತೆಯಲ್ಲಿ ನಿಲ್ಲಿಸಿರುವ ಟ್ರ್ಯಾಕ್ಟರ್ ಟ್ರಾಲಿಗೆ ಗುದ್ದಿ ತೀವ್ರ ರಕ್ತಗಾಯವಾಗಿ ಸ್ಥಳದಲ್ಲೆ ಮೃತಪಟ್ಟಿದ್ದು, ಹಿಂಬದಿ ಸವಾರ ಗಂಗಣ್ಣ ಎಂಬಾತನಿಗೆ ಎಡಗಾಲು ತೊಡೆ ಹತ್ತಿರ, ಹಣೆಗೆ ರಕ್ತಗಾಯವಾಗಿದ್ದು,‌ಬಲಗೈ ಎಲುಬು ಮುರಿದು ಹೋಗಿದ್ದು ಸ್ಥಳಕ್ಕೆ ಪಿಎಸ್ಐ ತಾರಾಬಾಯಿ‌ ಅವರು ಸ್ಥಳಕ್ಕೆ ಬೇಟಿ ನೀಡಿ ಪರಿಶೀಲನೆ‌ ಮಾಡಿದರು, ಈ ಕುರಿತು ಮಸ್ಕಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.