ಮಣಿಪುರ ಚುನಾವಣೆ: ಬಿಜೆಪಿ ಕಚೇರಿ ಧ್ವಂಸ ; ಉದ್ವಿಗ್ನ ಪರಿಸ್ಥಿತಿ

ಇಂಫಾಲ : ಮಣಿಪುರದಲ್ಲಿ ಚುನಾವಣೆ ಯಾ ಕಾವು ತೀವ್ರವಾಗಿದ್ದು,ಇಂಫಾಲದಲ್ಲಿ ಬಿಜೆಪಿ ಬೆಂಬಲಿಗರು ಟಿಕೆಟ್ ಸಿಗದ ಕಾರಣಕ್ಕೆ ಪ್ರತಿಕೃತಿ ದಹಸಿ ಪಕ್ಷದ ಕಚೇರಿ ಧ್ವಂಸಗೊಳಿಸಿದ ಘಟನೆ ನಡೆದಿದೆ.

ಅಭ್ಯರ್ಥಿಗಳ ಪಟ್ಟಿ ಹಲವರಿಗೆ ನಿರಾಸೆ ಮೂಡಿಸಿದ್ದು, ಅವರ ಆಕ್ರೋಶ ರಾಜೀನಾಮೆ ಹಾಗೂ ಬಿಜೆಪಿ ನಾಯಕರ ಪ್ರತಿಕೃತಿ ದಹನದ ರೂಪದಲ್ಲಿ ವ್ಯಕ್ತವಾಗಿದೆ.

ವಿಧಾನಸಭಾ ಚುನಾವಣೆಗೆ ಸ್ಪರ್ಧಿಸಲು ಬಿಜೆಪಿ ಟಿಕೆಟ್ ನಿರಾಕರಿಸಿದ ನಂತರ ಪಕ್ಷದ ನಾಯಕರ ಬೆಂಬಲಿಗರು ಕಚೇರಿಗೆ ದಾಳಿ ಮಾಡಿದ ಬಳಿಕ ಭದ್ರತೆಯನ್ನು ಬಿಗಿಗೊಳಿಸಲಾಗಿದೆ.

ಹಾಲಿ ಶಾಸಕರಾಗಿದ್ದ ಇಬ್ಬರು ಅಭ್ಯರ್ಥಿಗಳಿಗೆ ಪಕ್ಷದ ಟಿಕೆಟ್ ನಿರಾಕರಿಸಲಾಗಿದೆ. ಹಾಲಿ ಮುಖ್ಯಮಂತ್ರಿ ಎನ್ ಬಿರೇನ್ ಸಿಂಗ್ ಅವರು ಹೀಂಗಾಂಗ್‌ನಿಂದ ಚುನಾವಣೆಗೆ ಸ್ಪರ್ಧಿಸಿದರೆ, ಸರ್ಕಾರದ ಪಿಡಬ್ಲ್ಯೂಡಿ ಸಚಿವ ತಂಗೋಮ್ ಬಿಸ್ವಜಿತ್ ಸಿಂಗ್ ಅವರು ತೊಂಗ್ಜುದಿಂದ ಸ್ಪರ್ಧಿಸಲಿದ್ದಾರೆ.