ಬ್ಯಾಂಕ್‌ ಎಟಿಎಂನಿಂದ 18 ಲಕ್ಷ ರೂ. ದೋಚಿದ ‘ಇಂಜಿನಿಯರ್‌ ‘

ಮುಜಫ‌ರನಗರ : ತಾನು ಇಂಜಿನಿಯರ್‌ ಎಂದು ಹೇಳಿಕೊಂಡ ವ್ಯಕ್ತಿಯೋರ್ವ ಉತ್ತರ ಪ್ರದೇಶದ ಶಾಮ್ಲಿ ಜಿಲ್ಲೆಯಲ್ಲಿನ ಓವರ್‌ಸೀಸ್‌ ಬ್ಯಾಂಕ್‌ ಎಟಿಎಂ ನಿಂದ 18 ಲಕ್ಷ ರೂ.ಗಳನ್ನು ದೋಚಿ ಪರಾರಿಯಾಗಿರುವ ಘಟನೆ ವರದಿಯಾಗಿದೆ. 

ತಾನು ಇಂಜಿನಿಯರ್‌ ಎಂದು ಹೇಳಿಕೊಂಡ ವ್ಯಕ್ತಿಯೋರ್ವ ತಾನು ಎಟಿಎಂ ದುರಸ್ತಿಗಾಗಿ ಬಂದಿರುವುದಾಗಿ ಹೇಳಿಕೊಂಡಿದ್ದ ಎಂದು ಬ್ಯಾಂಕ್‌ ಅಧಿಕಾರಿಗಳು ತಿಳಿಸಿರುವುದಾಗಿ ಸದರ್‌ ಪೊಲೀಸ್‌ ಠಾಣೆಯ ಅಧಿಕಾರಿ ಅವನೀಶ್‌ ಗೌತಮ್‌ ಹೇಳಿದರು. 

ಇಂಜಿನಿಯರ್‌ ಎಂದು ಹೇಳಿಕೊಂಡು ಬಂದ ವ್ಯಕ್ತಿಯು ಬ್ಯಾಂಕ್‌ ಅಧಿಕಾರಿಗಳ ಮೂಲಕ ಬ್ಯಾಂಕಿನ ಸ್ಟ್ರಾಂಗ್‌ ರೂಮ್‌ ಪ್ರವೇಶಿಸಿ ಸೀಕ್ರೆಟ್‌ ಪಾಸ್‌ ವರ್ಡ್‌ ಭೇದಿಸಿ ಎಟಿಎಂನಿಂದ 18.37 ಲಕ್ಷ ರೂ. ದೋಚಿದ ಎಂದು ಠಾಣಾಧಿಕಾರಿ ಗೌತಮ್‌ ತಿಳಿಸಿದರು. 

ಎಟಿಎಂ ನಲ್ಲಿ ನಗದು ಕೊರತೆ ಇರುವುದನ್ನು ಗ್ರಾಹಕರು ಬ್ಯಾಂಕಿನವರ ಗಮನಕ್ಕೆ ತಂದಾಗಲೇ ದೊಡ್ಡ ಪ್ರಮಾಣದ ಹಣ ದೋಚಲಾಗಿರುವುದು ಬೆಳಕಿಗೆ ಬಂತು.

ಪೊಲೀಸರೀಗ ಎಟಿಎಂ ನ ಸಿಸಿಟಿವಿ ಚಿತ್ರಿಕೆಗಳನ್ನು ಪರಿಶೀಲಿಸುತ್ತಿದ್ದು ಇದೇ ವೇಳೆ ಬ್ಯಾಂಕ್‌ ಸಿಬಂದಿಗಳನ್ನು ಕೂಡ ಪ್ರಶ್ನಿಸುತ್ತಿದ್ದಾರೆ.