ಮಹಾರಾಷ್ಟ್ರ ಮಹಿಳಾ ಪೊಲೀಸ್‌ ಕಾನ್‌ಸ್ಟೆಬಲ್‌ ಸೆಕ್ಸ್‌ ಚೇಂಜ್‌ ಸರ್ಜರಿ

ಮುಂಬಯಿ : ಮಹಾರಾಷ್ಟ್ರದ  ಬೀಡ್‌ ಜಿಲ್ಲೆಯ 29ರ ಹರೆಯದ ಲಲಿತಾ ಸಾಳ್ವೆ ಎಂಬ ಪೊಲೀಸ್‌ ಕಾನ್‌ಸ್ಟೆಬಲ್‌ ಇಲ್ಲಿನ ಸರಕಾರಿ ಸೈಂಟ್‌ ಜಾರ್ಜ್‌ ಆಸ್ಪತ್ರೆಯಲ್ಲಿ  ನಿನ್ನೆ ಶುಕ್ರವಾರ ಮೊದಲ ಹಂತ ಸೆಕ್ಸ್‌  ರಿಅಸೈನ್‌ಮೆಂಟ್‌ ಸರ್ಜರಿಯ (ಎಸ್‌ಆರ್‌ಎಸ್‌) ಮೊದಲ ಹಂತದ ಶಸ್ತ್ರ ಚಿಕಿತ್ಸೆಯನ್ನು ಮಾಡಿಸಿಕೊಂಡಿದ್ದಾರೆ. 

ಮೊದಲ ಹಂತದ ಎಸ್‌ಆರ್‌ಎಸ್‌ ಸರ್ಜರಿ ಯಶಸ್ವಿಯಾಗಿ ನಡೆದಿದೆ; ಎರಡನೇ ಹಂತದ ಶಸ್ತ್ರ ಚಿಕಿತ್ಸೆಯನ್ನು ಇನ್ನು ಆರು ತಿಂಗಳ ಬಳಿಕ ನಡೆಸಲಾಗುವುದು ಎಂದು ಪ್ಲಾಸ್ಟಿಕ್‌ ಸರ್ಜನ್‌ ಡಾ. ರಜತ್‌ ಕಪೂರ್‌ ಹೇಳಿದ್ದಾರೆ.

ಸಾಳ್ವೆ ಅವರಿಗೆ ಈ ಶಸ್ತ್ರಚಿಕಿತ್ಸೆಯನ್ನು ಮಾಡಿಸಿಕೊಳ್ಳಲು ಮಹಾರಾಷ್ಟ್ರ ಸರಕಾರ ತನ್ನ ಅಂತಿಮ ಅನುಮತಿ ನೀಡಿತ್ತು. ನಿನ್ನೆಯ ಮೊದಲ ಹಂತದ ಶಸ್ತ್ರಚಿಕಿತ್ಸೆಗೆ ಪೂರ್ವ ಭಾವಿಯಾಗಿ ಸಾಳ್ವೆ ಅವರು ಎಕ್ಸ್‌ರೇ ಸ್ಕ್ಯಾನ, ಇಲೆಕ್ಟ್ರೋ ಕಾಡಿಯೋಗ್ರಫಿ (ಇಸಿಜಿ) ಪರೀಕ್ಷೆ ಮತ್ತು ರಕ್ತ ಪರೀಕ್ಷೆಯನ್ನು ಮಾಡಿಸಿಕೊಂಡು ತನ್ನ ವೈದ್ಯಕೀಯ ಫಿಟ್‌ನೆಸ್‌ ಸಾಬೀತು ಪಡಿಸಿದ್ದರು.