ಸ್ಟಾನ್‌ಫೋರ್ಡ್‌: ಕೇಯ್ಸ  ಚಾಂಪಿಯನ್‌

ಸ್ಟಾನ್‌ಫೋರ್ಡ್‌: ಸ್ಟಾನ್‌ಫೋರ್ಡ್‌ ಕ್ಲಾಸಿಕ್‌ ಟೆನಿಸ್‌ ಪಂದ್ಯಾವಳಿಯ ಪ್ರಶಸ್ತಿ ಅಮೆರಿಕದ ಮ್ಯಾಡಿಸನ್‌ ಕೇಯ್ಸ ಪಾಲಾಗಿದೆ. ರವಿವಾರ ರಾತ್ರಿಯ ಫೈನಲ್‌ನಲ್ಲಿ ಆವರು ತಮ್ಮದೇ ದೇಶದ ಕೊಕೊ ವಾಂಡೆವೇಗ್‌ ವಿರುದ್ಧ 7-6 (4), 6-4 ಅಂತರದ ಜಯ ಸಾಧಿಸಿದರು.

ಇದು ಈ ವರ್ಷ ಕೇಯ್ಸಗೆ ಒಲಿದ ಮೊದಲ ಟೆನಿಸ್‌ ಪ್ರಶಸ್ತಿ. ಎಡ ಮಣಿಗಂಟಿನ ಶಸ್ತ್ರಚಿಕಿತ್ಸೆಯಿಂದ ಪ್ರಸಕ್ತ ಟೆನಿಸ್‌ ಋತುವಿನ ಮೊದ ಲೆರಡು ತಿಂಗಳು ವಿಶ್ರಾಂತಿಯಲ್ಲಿದ್ದ ಕೇಯ್ಸ ಈ ಕೂಟದಲ್ಲಿ ಅಮೋಘ ಪ್ರದರ್ಶನ ನೀಡಿದರು. ಸೆಮಿಫೈನಲ್‌ನಲ್ಲಿ ವಿಂಬಲ್ಡನ್‌ ಚಾಂಪಿಯನ್‌ ಗಾರ್ಬಿನ್‌ ಮುಗುರುಜಾ ಅವರನ್ನು ಹೊರಗಟ್ಟಿದ್ದು ಈ ಅಮೆರಿಕನ್ನಳ ಮಹತ್ಸಾಧನೆಯಾಗಿದೆ. 

ಕೊಕೊ ವಾಂಡೆವೇಗ್‌ ಆಸ್ಟ್ರೇಲಿ ಯನ್‌ ಓಪನ್‌ನಲ್ಲಿ ಸೆಮಿಫೈನಲ್‌ ತನಕ, ವಿಂಬಲ್ಡನ್‌ನಲ್ಲಿ ಕ್ವಾರ್ಟರ್‌ ಫೈನಲ್‌ ತನಕ ಅಭಿಯಾನ ಬೆಳೆಸಿ ದ್ದರು. ಸ್ಟಾನ್‌ಫೋರ್ಡ್‌ನಲ್ಲಿ ಜಯಿಸಿದ್ದೇ ಆದಲ್ಲಿ ವಾಂಡೆವೇಗ್‌ ಕೂಡ ಈ ವರ್ಷದ ಮೊದಲ ಟೆನಿಸ್‌ ಪ್ರಶಸ್ತಿಯನ್ನೆತ್ತಿದ ಹೆಗ್ಗಳಿಕೆಗೆ ಪಾತ್ರರಾಗುತ್ತಿದ್ದರು.
ವರ್ಷದ ಕೊನೆಯ ಗ್ರ್ಯಾನ್‌ಸ್ಲಾಮ್‌ ಆಗಿರುವ ಯುಎಸ್‌ ಓಪನ್‌ ಟೆನಿಸ್‌ ಸಮೀಪಿಸುತ್ತಿರುವ ಹಿನ್ನೆಲೆಯಲ್ಲಿ ತವರಿನ ಈ ಆಟಗಾರ್ತಿಯರ ಸಾಧನೆ ಅಮೆರಿಕದ ಟೆನಿಸ್‌ ಅಭಿಮಾನಿ ಗಳಿಗೆ ಸಂತಸ ತಂದಿದೆ.