ನ.8 ರಂದು ಚಂದ್ರಗ್ರಹಣ; ರಕ್ತಕೆಂಪು ಬಣ್ಣದಲ್ಲಿ ಕಂಗೊಳಿಸಲಿರುವ ಶಶಿ

ನ.8ರ ಮಂಗಳವಾರ ಚಂದ್ರಗ್ರಹಣವಿರಲಿದ್ದು, ಚಂದಿರ ರಕ್ತಕೆಂಪು ಬಣ್ಣಕ್ಕೆ ತಿರುಗಲಿದ್ದಾನೆ. ಈ ತಿಂಗಳು ನಾವು ನೋಡಲಿರುವ ಚಂದ್ರಗ್ರಹಣವು ಅತ್ಯಂತ ಅಪರೂಪದ್ದಾಗಿದ್ದು, ಖಗೋಳ ಪ್ರೇಮಿಗಳಿಗೆ ರಸದೌತಣ ಒದಗಿಸುವುದಂತೂ ಖಚಿತ ಎಂದು ಖಗೋಳವಿಜ್ಞಾನಿಗಳು ಹೇಳಿದ್ದಾರೆ.

ಚಂದ್ರನು ಭೂಮಿಯ ಹಿಂದೆ ಅಡಗಿ, ರಕ್ತಕೆಂಪು ಬಣ್ಣದಲ್ಲಿ ಮಿಂಚಲಿದ್ದಾನೆ. ಭಾರತದ ಹಲವು ಕಡೆ ಖಗ್ರಾಸ ಚಂದ್ರಗ್ರಹಣ ಗೋಚರಿಸಲಿದ್ದು, ಬೆಂಗಳೂರಿನಲ್ಲಿ ಸಂಜೆ 5.58, ಮುಂಬೈನಲ್ಲಿ 6.03ಕ್ಕೆ ಕಾಣಿಸಲಿದೆ.

ಇಂಥ ಸಂಪೂರ್ಣ ಚಂದ್ರಗ್ರಹಣ ಮತ್ತೆ ನೋಡಲು ಸಿಗುವುದು 2025ರಲ್ಲಿ.