12 ಜೆಡಿಯು ಅಭ್ಯರ್ಥಿಗಳ ಪಟ್ಟಿ ಬಿಡುಗಡೆ

ಬೆಂಗಳೂರು: ಇತ್ತೀಚೆಗೆ 15 ವಿಧಾನಸಭಾ ಕ್ಷೇತ್ರಗಳಿಗೆ ತನ್ನ ಅಭ್ಯರ್ಥಿಗಳನ್ನು ಪ್ರಕಟಿಸಿದ್ದ ಸಂಯುಕ್ತ ಜನತಾದಳ (ಜೆಡಿಯು) ಭಾನುವಾರ ಮತ್ತೆ 12 ಕ್ಷೇತ್ರಗಳಿಗೆ ಅಭ್ಯರ್ಥಿಗಳನ್ನು ಘೋಷಣೆ ಮಾಡಿದ್ದು, ಭಾನುವಾರ ಜೆಡಿಯು ರಾಜ್ಯಾಧ್ಯಕ್ಷ ಮಹಿಮ ಜೆ.ಪಟೇಲ್‌ ಪಟ್ಟಿ ಬಿಡುಗಡೆ ಮಾಡಿದರು.

ವಿಶೇಷವೆಂದರೆ, ಮುಖ್ಯಮಂತ್ರಿ ಅಭ್ಯರ್ಥಿಗಳಾದ ಹಾಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮತ್ತು ಬಿ.ಎಸ್‌.ಯಡಿಯೂರಪ್ಪ ವಿರುದ್ಧ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಿಲ್ಲ. ಎಚ್‌.ಡಿ.ಕುಮಾರಸ್ವಾಮಿ ವಿರುದ್ಧ ರಾಮನಗರದಲ್ಲಿ ಮಾತ್ರ ಅಭ್ಯರ್ಥಿ ಘೋಷಿಸಿದೆ.

ಡಾ. ಪದ್ಮಾ ಪ್ರಕಾಶ್‌ (ಮಹಾಲಕ್ಷ್ಮಿ ಲೇಔಟ್‌), ಡಿ.ಎಂ.ಭತ್ತದ್‌ (ಬಸವನಗುಡಿ), ವೆಂಕನಗೌಡ ಆರ್‌.ಗೋವಿಂದಗೌಡರ್‌ (ನರಗುಂದ), ಶರಣಬಸಯ್ಯ ಮಠ (ರಾಯಚೂರು), ಎನ್‌.ವಿ.ಜಯಕುಮಾರ್‌ (ವಿಜಯನಗರ), ರವಿಕುಮಾರ್‌ (ರಾಮನಗರ), ಡಾ.ಎನ್‌.ನಿತ್ಯಾನಂದ (ದಾಸರಹಳ್ಳಿ),

-ಬಸವರಾಜ ಎಸ್‌.ದೇಸಾಯಿ (ರೋಣ), ಅಬ್ದುಲ್‌ ಮಜೀದ್‌ (ಪುತ್ತೂರು), ಆರ್‌.ಎಸ್‌.ವೀರಪ್ಪ ದೇವರು (ತುಮಕೂರು ನಗರ), ಎನ್‌.ಶ್ರೀನಿವಾಸ್‌ (ಮಹದೇವಪುರ), ಜಮೀರ್‌ ಅಹಮದ್‌ ಬೆಳಗಾಂವ್‌ಕರ್‌ (ಹುಬ್ಬಳ್ಳಿ ಧಾರವಾಡ ಪಶ್ಚಿಮ) ಹೆಸರು ಪಟ್ಟಿಯಲ್ಲಿವೆ.