ಮಲ್ಪೆ ಹೃದಯ ಭಾಗದಲ್ಲಿದೆ ಜೀವ ಹಿಂಡುವ ಹೊಂಡ  !

ಮಲ್ಪೆ: ಮಲ್ಪೆಯ ಹೃದಯ ಭಾಗದಲ್ಲಿ ಮೂರು ರಸ್ತೆ ಸೇರುವಲ್ಲಿ ಕಾಂಕ್ರೀಟ್‌ ರಸ್ತೆಯ ಅಂಚಿನ ಜಲ್ಲಿಕಲ್ಲು ಎದ್ದು ಹೋಗಿ ಬೃಹತ್‌ ಗಾತ್ರದ ಹೊಂಡ ನಿರ್ಮಾಣಗೊಂಡು, ಮಳೆ ನೀರು ನಿಂತು ವಾಹನ ಸವಾರಕ್ಕೆ ತೊಂದರೆಯಾಗಿದೆ.
 
ಮೊದಲೇ ಇಲ್ಲಿನ ಇಕ್ಕಟ್ಟಾದ ರಸ್ತೆ, ಅಧಿಕ ಸಂಖ್ಯೆಯಲ್ಲಿ ಸಂಚರಿಸುವ ವಾಹನಗಳು ಮಧ್ಯೆ ಇಂತಹ ಹೊಂಡ  ಸಂಚಾರಿಗಳಿಗೆ ತೀವ್ರ ಸಂಕಟ ತಂದೊಡ್ಡಿದೆ.ಕೆಲವು ತಿಂಗಳ ಹಿಂದೆಯೇ ಇಲ್ಲಿನ ಹೊಂಡ ನಿರ್ಮಾಣವಾಗಿದ್ದು, ಅದು ಮುಂದೆ ದೊಡ್ಡದಾಗುತ್ತಾ ಬಂದಿದೆ. 

ದಿನವಿಡೀ  ಇಲ್ಲಿ  ಸಾವಿರಾರು ಘನ , ಲಘು ವಾಹನಗಳು ಸಂಚರಿಸುತ್ತಿದ್ದು   ಮಳೆನೀರು ನಿಂತಿದ್ದರಿಂದ ದ್ವಿಚಕ್ರ ಸವಾರಿಗೆ ಹೊಂಡಗಳು ಗಮನಕ್ಕೆ ಬಾರದೇ ಹೆಚ್ಚಿನ ಅಪಾಯ ತಂದೊಡ್ಡುತ್ತಿದೆ. ಹೊಂಡ ಭರ್ತಿ ಮಾಡಿ ಸುಗಮ ಸಂಚಾರಕ್ಕೆ ಕ್ರಮ ಕೈಗೊಳ್ಳಬೇಕೆಂದು ಜನರು ಆಗ್ರಹಿಸಿದ್ದಾರೆ.