Manipal; ಕೆಳ ಪರ್ಕಳದಲ್ಲಿ ಚಿರತೆ ಸಂಚಾರ

ಮಣಿಪಾಲ: ಇಲ್ಲಿನ ಕೆಳ ಪರ್ಕಳ ಪರಿಸರದಲ್ಲಿ ಗುರುವಾರ ರಾತ್ರಿ ಚಿರತೆ ಕಾಣಿಸಿ ಕೊಂಡಿರುವುದಾಗಿ ಸಾರ್ವಜನಿಕರು ತಿಳಿಸಿದ್ದಾರೆ.

ಪರ್ಕಳ ಗ್ಯಾಟ್ಸನ್‌ ಸರ್ಕಲ್‌ನಲ್ಲಿ ಹಾಲಿನ ಅಂಗಡಿ ನಡೆಸುವ ಮಂಜುನಾಥ್‌ ಅವರು ರಾತ್ರಿ 11ಕ್ಕೆ ಕೆಳ ಪರ್ಕಳದಲ್ಲಿರುವ ಮನೆಗೆ ತೆರಳುತ್ತಿರುವಾಗ ರಸ್ತೆಯಲ್ಲಿದ್ದ ಚಿರತೆಯನ್ನು ಗಮನಿಸಿದ್ದಾರೆ. ಪರ್ಕಳ ಸುತ್ತಮುತ್ತ ಬೀದಿನಾಯಿಗಳು ಚಿರತೆಗೆ ಆಹಾರವಾಗುತ್ತಿದ್ದು, ಇಲ್ಲಿನ ಸ್ಥಳೀಯರಿಗೂ ಆತಂಕ ಮೂಡಿಸಿದೆ.

ಈ ಬಗ್ಗೆ ಅರಣ್ಯ ಇಲಾಖೆ ಸೂಕ್ತ ಕ್ರಮ ತೆಗೆದುಕೊಳ್ಳಬೇಕು ಎಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.