ಕುಷ್ಟಗಿ: ಬೆಳೆ ಬಾರದೇ ಮನನೊಂದು ರೈತ ಆತ್ಮಹತ್ಯೆ

ಕುಷ್ಟಗಿ: ಸಜ್ಜೆ ಉತ್ಪನ್ನ ಸರಿಯಾಗಿ ಬೆಳೆ ಬಾರದೇ ಮನನೊಂದ ರೈತ ಕ್ರಿಮಿನಾಶಕ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಹನುಮಸಾಗರ ಪೊಲೀಸ್ ಠಾಣೆಯಲ್ಲಿ ನಡೆದಿದೆ.

ಕಬ್ಬರಗಿ ಗ್ರಾಮದ ಮಲ್ಲಪ್ಪ‌ ಮಾಸಪ್ಪ ಕುರಿ (42) ಮೃತ ರೈತ.

ರೈತ ಕಬ್ಬರಗಿ ಸೀಮಾದಲ್ಲಿ ಸಜ್ಜೆ ಬಿತ್ತನೆ ಮಾಡಿದ್ದ. ಆದರೆ ಅತೀ‌‌ ಮಳೆ ಹಿನ್ನೆಲೆ ಸರಿಯಾದ ಬೆಳೆ ಬಂದಿರಲಿಲ್ಲ. ‌ಅಲ್ಲದೇ ಖಾಸಗಿ ಸಾಲ ಮಾಡಿದ್ದ ಎಂದು ಹೇಳಲಾಗಿದೆ. ಈ‌ ಕೊರಗಿನಲ್ಲಿದ್ದ ರೈತ ಮಲ್ಲಪ್ಪ ಕುರಿ ಪತ್ನಿಗೆ ಹೊರಕ್ಕೆ ಹೋಗಿ ಬರುವುದಾಗಿ ಹೇಳಿ ತಡರಾತ್ರಿಯಾದರೂ ವಾಪಸ್ಸು ಬಂದಿರಲಿಲ್ಲ.

ಹೊಲಕ್ಕೆ ಹೋದ ಪತಿ ವಾಪಸ್ಸಾಗದಿದ್ದಾಗ ಕುಟುಂಬದವರು ಗಾಬರಿಗೊಂಡ ಪತ್ನಿ ಹಾಗೂ ಅತ್ತೆ ಹೊಲಕ್ಕೆ ದೌಡಾಯಿಸಿದಾಗ ಮಲ್ಲಪ್ಪ ಕುರಿ ಕ್ರಿಮಿನಾಶ ಸೇವಿಸಿರುವುದು ಗೊತ್ತಾಗಿದೆ. ಕೂಡಲೇ ಕುಷ್ಟಗಿ ಸರ್ಕಾರಿ ಅಸ್ಪತ್ರೆಗೆ ದಾಖಲಿಸಿ ನಂತರ ಜಿಲ್ಲಾಸ್ಪತ್ರೆಗೆ ದಾಖಲಿಸಿದರೂ ಚಿಕಿತ್ಸೆ ಫಲಿಸದೇ ಕೊನೆಯುಸಿರೆಳೆದಿದ್ದಾರೆ. ಪ್ರಕರಣ ಹನುಮಸಾಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.