ಅನಾಥ ಮಗುವಿಗೆ ಕುಮಾರಸ್ವಾಮಿ ಹೆಸರು

ಬೆಂಗಳೂರು: ಅದು ಯಾರ ಹೆತ್ತ ಮಗನೋ ಏನೋ ಗೊತ್ತಿಲ್ಲ. ದಿಕ್ಕು ದೆಸೆಯೂ ಇಲ್ಲ. ಅದು ಸಿಕ್ಕಿದ್ದು ಕಸದ ತೊಟ್ಟಿಯಲ್ಲಿ. ಈಗ ಜನರೇ ಆ ಮಗುವಿಗೊಂದು ನಾಮಕರಣ ಮಾಡಿದ್ದಾರೆ. ಆ ಹೆಸರು ಕುಮಾರಸ್ವಾಮಿ.

ಹೌದು, ಆ ಅನಾಥ ಮಗು ಸರ್ಕಾರದ ಸುಪರ್ದಿಯಲ್ಲಿರುವುದರಿಂದ ನಾಡಿನ ದೊರೆ ಕುಮಾರಸ್ವಾಮಿ ಹೆಸರೇ ಇರಲಿ ಎಂದು ಸಾರ್ವಜನಿಕರಿಗೆ ನಾಮಕರಣ ಮಾಡಿದ್ದಾರೆ. ಶನಿವಾರ ಮಧ್ಯಾಹ್ನ ದೊಡ್ಡತೊಗೂರಿನ ತೊಟ್ಟಿಯೊಂದರಲ್ಲಿ ಪತ್ತೆಯಾಗಿದ್ದ ಅನಾಥ ಗಂಡು ಮಗು ಪತ್ತೆಯಾಗಿತ್ತು.

ಕೂಡಲೇ ಎಲೆಕ್ಟ್ರಾನಿಕ್‌ ಸಿಟಿ ಠಾಣೆ ಹೊಯ್ಸಳ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿ ಮಗುವನ್ನು ರಕ್ಷಿಸಿದ್ದಾರೆ. ಈ ವೇಳೆ ಮಗುವಿನ ಆಕ್ರಂದನ ಕಂಡು ಮರುಗಿದ ಮಹಿಳಾ ಪೇದೆ ಅರ್ಚನಾ ಆ ಅನಾಥ ಮಗುವಿಗೆ ಹೊಯ್ಸಳ ವಾಹನದೊಳಗೆ ಹಾಲು ಉಣಿಸಿ, ಬಳಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಿ ವಿಲ್ಸನ್‌ ಗಾರ್ಡ್‌ನ್‌ನಲ್ಲಿರುವ ಶಿಶು ಮಂದಿರಕ್ಕೆ ಕಳುಹಿಸಿದ್ದರು.