Advertisement
ಉಜಿರೆ, ಬೆಳಾಲಿಗೆ ಸಂಪರ್ಕಕೊಯ್ಯೂರು ಗ್ರಾಮದ ಮಲೆಬೆಟ್ಟು ಆಸುಪಾಸು 300ಕ್ಕೂ ಹೆಚ್ಚು ಮನೆಗಳಿಗೆ ಉಜಿರೆ, ಬೆಳಾಲು ಸಂಪರ್ಕಕ್ಕೆ ಈ ರಸ್ತೆ ಅತ್ಯವಶ್ಯವಾಗಿದೆ. ಕಿರಿಯಾಡಿಯಿಂದ ಉಜಿರೆಗೆ ತೆರಳಲು 2 ಕಿ. ಮೀ. ಅಂತರವಿದ್ದು, ರಸ್ತೆ ದುರವಸ್ಥೆಯಿಂದ 10 ಕಿ. ಮೀ. ಸುತ್ತಿ ಬಳಸಿ ತೆರಳಬೇಕಿದೆ. ಕಳೆದ 30 ವರ್ಷಗಳ ಹಿಂದೆ ಜಿ.ಪಂ. ರಸ್ತೆಯಾಗಿ ಡಾಮರು ಕಂಡಿತ್ತು. ಬಳಿಕ ಡಾಮರು ಕಾಮಗಾರಿ ನಡೆದಿಲ್ಲ. ಈ ಬಾರಿ ಶಾಸಕ ಹರೀಶ್‌ ಪೂಂಜ ಅವರು ಕಾಂಕ್ರೀಟ್‌ ರಸ್ತೆಗೆ 1 ಕೋ. ರೂ. ಅನುದಾನ ಮೀಸಲಿರಿಸಿದ್ದು, ಕಾಮಗಾರಿ ತಡವಾಗಿದ್ದರಿಂದ ಸಮಸ್ಯೆ ಜಟಿಲವಾಗಿದೆ. ಶೀಘ್ರ ಡಾಮರು ಕಾಮಗಾರಿಗೆ ಸ್ಥಳೀಯರು ಆಗ್ರಹಿಸಿದ್ದಾರೆ.
ರಸ್ತೆ ದುರವಸ್ಥೆ ಬಗ್ಗೆ ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿ, ಸ್ಥಳೀಯ ಗ್ರಾ.ಪಂ.ನ ಸಂಬಂಧಪಟ್ಟ ಅಧಿಕಾರಿಗಳಿಗೆ ದೂರು ನೀಡಿದ್ದರು. ಸೋಮವಾರ ವಿಧಾನಪರಿಷತ್‌ ಸದಸ್ಯ ಪ್ರತಾಪಸಿಂಹ ನಾಯಕ್‌, ತಾ.ಪಂ. ಸ್ಥಾಯೀ ಸಮಿತಿ ಅಧ್ಯಕ್ಷ ಶಶಿಧರ್‌ ಎಂ. ಕಲ್ಮಂಜ, ತಹಶೀಲ್ದಾರ್‌ ಮಹೇಶ್‌ ಜೆ., ಕೊಯ್ಯೂರು ಪಿಡಿಒ ರಾಜೀವಿ ಸ್ಥಳ ಪರಿಶೀಲನೆ ನಡೆಸಿದ್ದಾರೆ. ಶೀಘ್ರದಲ್ಲಿ ಕಾಮಗಾರಿ
ಬಹುಬೇಡಿಕೆಯ ಕಿರಿಯಾಡಿ-ಮಲೆಬೆಟ್ಟು ಸಂಪರ್ಕ ರಸ್ತೆಗೆ ಈಗಾಗಲೇ 1 ಕೋ. ರೂ.ನ ಟೆಂಡರ್‌ ಕರೆಯಲಾಗಿದೆ. 2 ಕಿ. ಮೀ. 100 ಮೀ. ರಸ್ತೆಯನ್ನು 3.30 ಮೀಟರ್‌ ಅಗಲವಾಗಿ ಕಾಂಕ್ರೀಟ್‌ ಕಾಮಗಾರಿ ಮಾಡಲಾಗುವುದು. ಶೀಘ್ರದಲ್ಲೇ ಕಾಮಗಾರಿ ಆರಂಭಿಸಲು ಸೂಚಿಸಲಾಗುವುದು.
– ಹರೀಶ್‌ ಪೂಂಜ, ಶಾಸಕರು