ಮಾಸ್ಕ್- ಸ್ಯಾನಿಟೈಸರ್‌ ವಿತರಣೆ

ಕೂಡ್ಲಿಗಿ: ಪಟ್ಟಣದಲ್ಲಿ ಕೋವಿಡ್ ಹಿನ್ನೆಲೆಯಲ್ಲಿ ಲಾಕ್‌ ಡೌನ್‌ 4.0 ಆರಂಭವಾಗಿದೆ. ಕೇಂದ್ರ ಸರ್ಕಾರ ಮಾರ್ಗಸೂಚಿಯಂತೆ ಬಸ್‌ ಸಂಚಾರಕ್ಕೆ ಅವಕಾಶವಿರಲಿದ್ದು ಹಳ್ಳಿಗಾಡಿನಿಂದ ಬರುವ ಜನರು ಮಾಸ್ಕ್ಗಳನ್ನು ಹಾಕಿ ಬಸ್‌ಗಳನ್ನು ಹತ್ತಬೇಕು ಎಂದು ಬಿಜೆಪಿ ಎಸ್‌ಟಿ ಮೋರ್ಚಾ ಜಿಲ್ಲಾಧ್ಯಕ್ಷ ಬಂಗಾರು ಹನುಮಂತು ಹೇಳಿದರು.

ಈ ಸಮಯದಲ್ಲಿ ಕೆಎಸ್‌ಆರ್‌ಟಿಸಿ ಸಾರಿಗೆ ನೌಕರರಿಗೆ 1000 ಮಾಸ್ಕ್ ಮತ್ತು ಸ್ಯಾನಿಟೈಸರ್‌ ವಿತರಿಸಿ ಮಾತನಾಡಿದರು. ಬಸ್‌ ಸಂಚಾರ ಮಾಡುವಾಗ ಕೆಎಸ್‌ಆರ್‌ಟಿಸಿ ಸಿಬ್ಬಂದಿ ಪ್ರಯಾಣಿಕರಿಗೆ ಮಾಸ್ಕ್ ಮತ್ತು ಸ್ಯಾನಿಟೈಸರ್‌ ಬಳಕೆ ಬಗ್ಗೆ ತಿಳಿವಳಿಕೆ ನೀಡಬೇಕು ಎಂದರು.

ಈ ಸಂದರ್ಭದಲ್ಲಿ ಡಾ| ವಿನಯ, ಕೆಎಸ್‌ಆರ್‌ಟಿಸಿ ವ್ಯವಸ್ಥಾಪಕರು, ಬಂಗಾರು ಸೋಮಣ್ಣ, ವೀರನಗೌಡ್ರು, ಶಂಕರಣ್ಣ, ಜಯಮ್ಮರ ರಾಘವೇಂದ್ರ, ಜುಬೇರ್‌ ಕೊಂಡಯ್ಯರ್‌ ರಾಘು, ಗುರಿಕಾರ ರಾಘು ಉಪಸ್ಥಿತರಿದ್ದರು