Missing Case ಕಿಲೆಂಜೂರು: ಮಹಿಳೆ ನಾಪತ್ತೆ

ಮೂಲ್ಕಿ: ಮೆನ್ನಬೆಟ್ಟು ಪಟ್ಟಣ ಪಂಚಾಯತ್‌ ವ್ಯಾಪ್ತಿಯ ಕಿಲೆಂಜೂರು ಗ್ರಾಮದ ನಿವಾಸಿ ಬೇಬಿ ಪೂಜಾರ್ತಿ (67) ಅವರು ಜು. 22ರಂದು ಬೆಳಗ್ಗೆ ಮನೆಯಿಂದ ಕಾಣೆಯಾದವರು ಈವರೆಗೆ ಪತ್ತೆಯಾಗಿಲ್ಲ ಎಂದು ಅವರ ಸಹೋದರ ನಾರಾಯಣ ಪೂಜಾರಿ ಅವರು ಮೂಲ್ಕಿ ಪೊಲೀಸರಿಗೆ ದೂರು ನೀಡಿದ್ದಾರೆ.

ಸುಮಾರು 5 ಅಡಿ ಎತ್ತರ, ಕಪ್ಪು ಬಣ್ಣ, ಸಪೂರ ಶರೀರ, ತುಳುಭಾಷೆ ಮಾತನಾಡುವ ಇವರ ತಲೆ ಕೂದಲನ್ನು ಬಾಬ್‌ಕಟ್‌ ಮಾಡಲಾಗಿದೆ. ಅವರ ಎಡಕಾಲಿನ ಮಣಿಗಂಟು ಬಳಿ ಶಸ್ತ್ರ ಚಿಕಿತ್ಸೆಯ ಗಾಯದ ಕಲೆ ಇದೆ. ಅವರ ಕುರಿತು ಮಾಹಿತಿ ಸಿಕ್ಕಿದಲ್ಲಿ ಮೂಲ್ಕಿ ಪೊಲೀಸರನ್ನು ಸಂಪರ್ಕಿಸುವಂತೆ ಕೋರಲಾಗಿದೆ.