ಯಜ್ಞ ನಡೆಸಬೇಕಾಗಿದ್ದ ದಲಿತ ಅರ್ಚಕನಿಗೆ ಹಲ್ಲೆ

ಪಾಲಕ್ಕಾಡ್‌: ಕೇರಳದ ಪಾಲಕ್ಕಾಡ್‌ ಜಿಲ್ಲೆಯಲ್ಲಿ ದಲಿತ ಸಮುದಾಯಕ್ಕೆ ಸೇರಿದ ಅರ್ಚಕನ ಮೇಲೆ ಹಲ್ಲೆ ನಡೆಸಲಾಗಿದೆ. ಬಿಜು ನಾರಾಯಣ ಎಂಬುವರು ಡಿಸೆಂಬರ್‌ನಲ್ಲಿ ನಡೆಯಬೇಕಾಗಿದ್ದ ಮಹಾ ಯಜ್ಞ ಕಾರ್ಯಕ್ರಮಕ್ಕಾಗಿ ಸಿದ್ಧತೆಯಲ್ಲಿ ತೊಡಗಿದ್ದರು.  

ದಲಿತ ಸಮುದಾಯದ ಸಾವಿರಾರು ಮಂದಿ ಅದರಲ್ಲಿ ಭಾಗವಹಿಸಲಿದ್ದಾರೆ. ಈ ಯಜ್ಞ ನಡೆಸದಂತೆ ಅವರಿಗೆ ಪದೇ ಪದೆ ಬೆದರಿಕೆ ಕರೆ ಬರುತ್ತಿತ್ತು. ಈ ಬಗ್ಗೆ ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಆರ್‌ಎಸ್‌ಎಸ್‌ಗೆ ಸೇರಿದ ವ್ಯಕ್ತಿಯೊಬ್ಬರು ಬೆದರಿಕೆ ಕರೆ ಹಿಂದೆ ಇದ್ದಾರೆ ಎಂಬ ಶಂಕೆಗಳಿವೆ ಎಂದು ಅವರು ದೂರಿದ್ದಾರೆ. ಕೆಲ ಸಮಯದ ಹಿಂದೆ ದಲಿತರಿಗಾಗಿ ವೇದ ಅಧ್ಯಯನ ಶಾಲೆ ನಡೆಸಬಾರದು ಎಂದು ಆ್ಯಸಿಡ್‌ ದಾಳಿ ನಡೆಸಲಾಗಿತ್ತು.