ಮೋದಿ ಧೋರಣೆ ಖಂಡಿಸಿ ಫೆಬ್ರವರಿ 18 ರಂದು ಕರ್ನಾಟಕ ಬಂದ್‌ 

ಚಾಮರಾಜನಗರ: ರಾಜ್ಯದ ಕುರಿತಾಗಿ ಕೇಂದ್ರ ಸರಕಾರದ ಧೋರಣೆ ಖಂಡಿಸಿ ಫೆಬ್ರವರಿ 18 ರಂದು ಅಖಂಡ ಕರ್ನಾಟಕ ಬಂದ್‌ ನಡೆಸುವುದಾಗಿ ಕನ್ನಡ ಚಳುವಳಿಯ ನಾಯಕ ವಾಟಾಳ್‌ ನಾಗರಾಜ್‌ ಮಂಗಳವಾರ ಘೋಷಿಸಿದ್ದಾರೆ. 

ಸುದ್ದಿಗಾರರೊಂದಿಗೆ ಮಾತನಾಡಿದ ವಾಟಾಳ್‌ ಅವರು ಪ್ರಧಾನಿ ಮೋದಿ ಅವರು ಕರ್ನಾಟಕದ ಬೇಡಿಕೆಗೆ ಸ್ಪಂದಿಸುತ್ತಿಲ್ಲ,ರಾಜ್ಯದ ಕುರಿತಾಗಿನ ಅವರ ಮಲತಾಯಿ ಧೋರಣೆ ಖಂಡಿಸಿ ಅಖಂಡ ಕರ್ನಾಟಕವನ್ನು ಫೆಬ್ರವರಿ 18 ರಂದು ಬಂದ್‌ ಮಾಡುವುದಾಗಿ ಹೇಳಿದರು. 

500 ದಿನಗಳಿಂದ ಕಳಸಾ ಬಂಡೂರಿ ಹೋರಾಟ ನಡೆಸುತ್ತಿದ್ದು, ಪ್ರಧಾನಿ ಈ ಬಗ್ಗೆ ಚಕಾರವೆತ್ತಿಲ್ಲ ಎಂದು ಆಕ್ರೋಶ ವ್ಯಕ್ತ ಪಡಿಸಿದರು. 

ಇದೇ ವೇಳಎ ಜಲ್ಲಿಕಟ್ಟಿಗೆ ನೀಡಿದಂತೆ ಕಂಬಳಕ್ಕೂ ಅನುಮತಿ ನೀಡಬೇಕು ಇದಕ್ಕಾಗಿ ರಾಜಭವನಕ್ಕೆ  ಮುತ್ತಿಗೆ ಹಾಕುವುದಾಗಿ ಹೇಳಿದರು.