Kalaburagi: ಕಲಗುರ್ತಿ ಕೊರಬಾ ಸಾವು ಪ್ರಕರಣ;ಮೂವರು ಪೊಲೀಸರ ಅಮಾನತು

ಕಲಬುರಗಿ: ಚಿತ್ತಾಪುರ ತಾಲೂಕಿನ ಕಲಗುರ್ತಿ ಗ್ರಾಮದ ಕೋಲಿ ಸಮಾಜದ ಯುವಕ ದೇವಾನಂದ ಕೊರಬಾ ಸಾವಿನ ಪ್ರಕರಣದಲ್ಲಿ ಕರ್ತವ್ಯ ಲೋಪದ ಹಿನ್ನೆಲೆಯಲ್ಲಿ ಮೂವರು ಪೊಲೀಸರನ್ನು ಎಸ್ಪಿ ಅಮಾನತು ಮಾಡಿ ಆದೇಶ ಹೊರಡಿದ್ದಾರೆ.

ಮುಖ್ಯಪೇದೆಯಾದ ಜಗನ್ನಾಥ, ಪೊಲೀಸ್ ಪೇದೆಗಳಾದ ಮಲಗೊಂಡ, ರಮೇಶ ಅವರನ್ನು ಅಮಾನತು ಮಾಡಿ ಎಸ್ಪಿ ಅಡೂರು ಶ್ರೀನಿವಾಸಲು ಆದೇಶ ಹೊರಡಿಸಿದ್ದಾರೆ.

ಕೋಲಿ ಸಮಾಜ ಸ್ವಾಗತ
ಪೊಲೀಸರ ಈ ಅಮಾನತು ಕೋಲಿ ಸಮಾಜ ನಡೆಸಿದ ಅರವತ್ತು ದಿನಗಳ ಹೋರಾಟದ ಮೊದಲ ಫಲವಾಗಿದೆ. ಇನ್ನೂ ಅಧಿಕಾರಿಗಳು ಅಮಾನತು ಆಗಬೇಕು ಮತ್ತು ಸಾವಿಗೆ ಒತ್ತಾಸೆಯಾಗಿರುವ ಆರೋಪಿಗಳ ಬಂಧನವಾಗಬೇಕು. ಆಗ ಕಲಗುರ್ತಿ ಪ್ರಕರಣ ತಾರ್ಕಿಕ ಅಂತ್ಯಕ್ಕೆ ಬರಲಿದೆ. ಜಿಲ್ಲಾ ಉಸ್ತುವಾರಿ ಮಂತ್ರಿ ಪ್ರಿಯಾಂಕ್ ಖರ್ಗೆ ಅವರು ಮಾತು ಕೊಟ್ಟಂತೆ ನಡೆದುಕೊಂಡಿರುವುದು ಕೂಡ ಸ್ವಾಗತಾರ್ಹ ಎಂದು ಕೋಲಿ ಸಮಾಜದ ಹೋರಾಟ ಸಮಿತಿ ಸಂಚಾಲಕ ಅವ್ವಣ್ಣ ಮ್ಯಾಕೇರಿ ತಿಳಿಸಿದ್ದಾರೆ.