ಜೂನಿಯರ್‌ ವೇಟ್‌ ಲಿಫ್ಟಿಂಗ್‌: ರಜತ ಗೆದ್ದ ಅಚಿಂತ

ಟಾಷ್ಕೆಂಟ್ (ಉಜ್ಬೆಕಿಸ್ಥಾನ್‌) : ಇಲ್ಲಿ ನಡೆಯುತ್ತಿರುವ ಜೂನಿಯರ್‌ ವಿಶ್ವ ಚಾಂಪಿಯನ್‌ಶಿಪ್‌ ವೇಟ್‌ಲಿಫ್ಟಿಂಗ್‌ನಲ್ಲಿ ಭಾರತದ ಅಚಿಂತ ಶಿಲಿ ಬೆಳ್ಳಿ ಪದಕ ಜಯಿಸಿದ್ದಾರೆ.

19 ವರ್ಷದ ಅಚಿಂತ 73 ಕೆ.ಜಿ. ವಿಭಾಗದಲ್ಲಿ ಒಟ್ಟು 313 ಕೆ.ಜಿ. ಭಾರವನ್ನೆತ್ತಿ ವೈಯಕ್ತಿಕ ದಾಖಲೆ ನಿರ್ಮಿಸಿದರು. ಸ್ನ್ಯಾಚ್‌ನಲ್ಲಿ 141 ಕೆ.ಜಿ. ಹಾಗೂ ಜರ್ಕ್‌ನಲ್ಲಿ 172 ಕೆ.ಜಿ. ಭಾರ ಎತ್ತಿದರು. ಇಂಡೋನೇಶ್ಯದ ಜುನಿಯನ್‌ಸಿಯಾ ರಿಜಿR ನೂತನ ಜೂನಿಯರ್‌ ವಿಶ್ವದಾಖಲೆಯೊಂದಿಗೆ (349 ಕೆ.ಜಿ.) ಬಂಗಾರ ಗೆದ್ದರು.

ಕಾಮನ್ವೆಲ್ತ್‌ ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನದ ಪದಕ ಜಯಿಸಿದ್ದ ಅಚಿಂತ ಅವರ ಹಿಂದಿನ ಅತ್ಯುತ್ತಮ ಸಾಧನೆ 309 ಕೆ.ಜಿ. ಆಗಿತ್ತು (139+170 ಕೆ.ಜಿ.). ಕಳೆದ ತಿಂಗಳು ಇಲ್ಲೇ ನಡೆದ ಏಶ್ಯನ್‌ ಚಾಂಪಿಯನ್‌ಶಿಪ್‌ನಲ್ಲಿ ಈ ಸಾಧನೆಗೈದಿದ್ದರು.