ಜಾವೆಲಿನ್‌ ಚಿನ್ನ ಗೆದ್ದ ಸ್ಪೋಟಾಕೋವಾ

ಲಂಡನ್‌: ಜೆಕ್‌ ಗಣ ರಾಜ್ಯದ ಬಾರ್ಬೊರಾ ಸ್ಪೋಟಾ ಕೋವಾ 10 ವರ್ಷಗಳ ಬಳಿಕ ಜಾವೆಲಿನ್‌ ಸ್ಪರ್ಧೆಯ ಚಿನ್ನದ ಪದಕವನ್ನು ಮರಳಿ ಪಡೆದಿದ್ದಾರೆ. 

36ರ ಹರೆಯದ ನ್ಪೋಟಾ ಕೋವಾ ಫೈನಲ್‌ ಸುತ್ತಿನ ಎರಡನೇ ಪ್ರಯತ್ನದಲ್ಲಿ 66.76  ಮೀ. ದೂರ ಎಸೆಯುವ ಮೂಲಕ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಎರಡನೇ ಚಿನ್ನ ಪಡೆದರು. ಐದು ವರ್ಷಗಳ ಹಿಂದೆ ಇದೇ ಲಂಡನ್‌ ಕ್ರೀಡಾಂಗಣದಲ್ಲಿ ತನ್ನ ಎರಡನೇ ಒಲಿಂಪಿಕ್‌ ಪದಕ ಜಯಿಸಿದ್ದ ನ್ಪೋಟಾಕೋವಾ ಅವರು ರಿಯೋ ಗೇಮ್ಸ್‌ ವೇಳೆಯ ನಿರ್ವಹಣೆಯನ್ನು ಉತ್ತಮಪಡಿಸಿಕೊಂಡಿದ್ದಾರೆ.

ಎರಡು ಬಾರಿಯ ಏಶ್ಯನ್‌ ಚಾಂಪಿಯನ್‌ ಚೀನದ ಲೀ ಲಿಂಗ್‌ವೆಯಿ ಬೆಳ್ಳಿ ಪಡೆದರು.