ಸನ್ಯಾಸಿಗೆ ಜೆಡಿಎಸ್‌ ಟಿಕೆಟ್‌

ಇಟಾನಗರ: ಕಳೆದ 20 ವರ್ಷಗಳಿಂದ ಯಾವುದೇ ಪ್ರತಿಸ್ಪರ್ಧಿಯಿಲ್ಲದೆ ನಿರಾಯಾಸವಾಗಿ ಚುನಾವಣೆ ನಡೆಯುತ್ತಿದ್ದ ಅರುಣಾಚಲ ಪ್ರದೇಶದ ತವಾಂಗ್‌ ಜಿಲ್ಲೆಯ ಮುಕ್ತೋ ವಿಧಾನಸಭಾ ಕ್ಷೇತ್ರದಲ್ಲಿ ಜೆಡಿಎಸ್‌ನಿಂದ ಬೌದ್ಧ ಸನ್ಯಾಸಿಯಾದ ಲಾಮಾ ಲಾಬ್ಸಂಗ್‌ ಗ್ಯಾಟ್ಸೊ ಎಂಬುವರನ್ನು ಕಣಕ್ಕಿಳಿಸಲಾಗಿದೆ.

ಹಾಲಿ ಮುಖ್ಯಮಂತ್ರಿ ಪೆಮಾ ಖಂಡು ಅವರು ಪ್ರತಿನಿಧಿಸುತ್ತಿರುವ ಈ ಕ್ಷೇತ್ರದಲ್ಲಿ ಕಾಂಗ್ರೆಸ್‌ ಥುಪ್ಟೆನ್‌ ಕುನೆನ್‌ ಎಂಬುವರನ್ನು ಸ್ಪರ್ಧೆಗಳಿಸಿದೆ. ಅರುಣಾಚಲ ಪ್ರದೇಶ ವಿಧಾನಸಭೆಯ 60 ಕ್ಷೇತ್ರಗಳಿಗೆ ಹಾಗೂ ಎರಡು ಲೋಕಸಭಾ ಕ್ಷೇತ್ರಗಳಿಗೆ ಏ. 11ರಂದು ಮತದಾನ ನಡೆಯಲಿದೆ.