ವೆಸ್ಟ್ ಇಂಡೀಸ್ ತಂಡದಲ್ಲಿ 17ರ ಹರೆಯದ ಜೇಡನ್‌ ಸೀಲ್ಸ್‌

ಪೋರ್ಟ್‌ ಆಫ್ ಸ್ಪೇನ್‌: ದಕ್ಷಿಣ ಆಫ್ರಿಕಾ ವಿರುದ್ಧದ ಎರಡು ಪಂದ್ಯಗಳ ಟೆಸ್ಟ್‌ ಸರಣಿಗಾಗಿ ವೆಸ್ಟ್‌ ಇಂಡೀಸ್‌ 17 ಕ್ರಿಕೆಟಿಗರ ಸಂಭಾವ್ಯ ತಂಡ ಪ್ರಕಟಿಸಿದೆ. ಇದರಲ್ಲಿ ಯುವ ವೇಗಿ ಜೇಡನ್‌ ಸೀಲ್ಸ್‌ ಅವರಿಗೆ ಸ್ಥಾನ ನೀಡಲಾಗಿದೆ.

ಜೂನ್‌ 10ರಿಂದ ಈ ಟೆಸ್ಟ್‌ ಸರಣಿ ಆರಂಭವಾಗಲಿದ್ದು, ಸೋಮವಾರ ತಂಡದ ಆಟಗಾರರ ಸಂಖ್ಯೆಯನ್ನು 13ಕ್ಕೆ ಇಳಿಸುವ ನಿರೀಕ್ಷೆಯಿದೆ.

“ಗಾಯದ ಕಾರಣ ವೇಗಿ ಕೆಮರ್‌ ಹೋಲ್ಡರ್‌ ಆಯ್ಕೆಗೆ ಲಭ್ಯರಿಲ್ಲ. ಹೀಗಾಗಿ ಸಂಭಾವ್ಯ ತಂಡದಲ್ಲಿ ಮೊದಲ ಬಾರಿಗೆ 19ರ ಹರೆಯದ ವೇಗಿ ಜೇಡನ್‌ ಸೀಲ್ಸ್‌ಗೆ ಅವಕಾಶ ನೀಡಲಾಗಿದೆ’ ಎಂದು “ಕ್ರಿಕೆಟ್‌ ವೆಸ್ಟ್‌ ಇಂಡೀಸ್‌’ ಪ್ರಕಟನೆಯಲ್ಲಿ ತಿಳಿಸಿದೆ