ISRO: ಜನವರಿ ತಿಂಗಳಲ್ಲಿ 100ನೇ ಉಡಾವಣೆ

ಶ್ರೀಹರಿಕೋಟಾ: ಭಾರತದ ಬಾಹ್ಯಾ­ಕಾಶ ತಂತ್ರಜ್ಞಾನಕ್ಕೆ ಜಾಗತಿಕ ಮಾನ್ಯತೆ ತಂದುಕೊಟ್ಟಿರುವ ಇಸ್ರೋ ಇದೀಗ ಮತ್ತೂಂದು ಮೈಲಿಗಲ್ಲಿನತ್ತ ಸಾಗಿದೆ. ಈವ­ರೆಗೆ 99 ಯಶಸ್ವಿ ಉಡಾವಣೆ ಕೈಗೊಂಡಿರುವ ಇಸ್ರೋ, ಜನವರಿಯಲ್ಲಿ 100ನೇ ಉಡಾವಣೆ ಕೈಗೆತ್ತಿಕೊಳ್ಳಲಿದೆ.

ಈ ಬಗ್ಗೆ ಮಾತನಾಡಿದ ಇಸ್ರೋ ಮುಖ್ಯಸ್ಥ ಎಸ್‌.ಸೋಮನಾಥ್‌, “ಸ್ಪೇಡ್‌ಎಕ್ಸ್‌ ಉಪಗ್ರಹ ಹೊತ್ತು ಹಾರಿದ ಪಿಎಸ್‌ಎಲ್‌ವಿ ಇಸ್ರೋದ 99ನೇ ಉಡಾ ವಣೆ. ಜನವರಿಯಲ್ಲಿ ನ್ಯಾವಿಗೇಶನ್‌ ಉಪಗ್ರಹ ವನ್ನು ಹೊತ್ತು ಜಿಎಸ್‌ಎಲ್‌ವಿ ನಭಕ್ಕೆ ಹಾರಲಿದೆ. ಇದು ಇಸ್ರೋದ 100ನೇ ಉಡಾವಣೆ ಯಾಗ ಲಿದೆ. ಈ ಉಡಾವಣೆ ಯಲ್ಲಿ ಎನ್‌ವಿಎಸ್‌-02 ಉಪಗ್ರಹವನ್ನು ಕಕ್ಷೆಗೆ ಸೇರಿಸಲಿದ್ದೇವೆ’ ಎಂದರು.

ನ್ಯಾವಿಗೇಶನ್‌ಗಾಗಿ ಈ ಉಡಾವಣೆ: ಗೂಗಲ್‌ ಮ್ಯಾಪ್‌ ರೀತಿ ಕಾರ್ಯನಿರ್ವ ಹಿಸಬಲ್ಲ ತನ್ನದೇ ಆದ ನ್ಯಾವಿಗೇಶನ್‌ ವ್ಯವಸ್ಥೆಯನ್ನು ಹೊಂದಲು ಬಯಸಿ ರುವ ಭಾರತ, ಇದಕ್ಕಾಗಿ ಎನ್‌ವಿಎಸ್‌- 02 ಉಪಗ್ರಹವನ್ನು ಇಸ್ರೋ ಉಡಾವಣೆ ಮಾಡುತ್ತಿದೆ. ಇದು ಮಿಲಿಟರಿ, ಕೃಷಿ ಭೂಮಿ, ತುರ್ತು ನಿರ್ವಹಣೆ, ಮೊಬೈಲ್‌ ಸೇವೆ, ಸಮುದ್ರದ ಮಾಹಿತಿ ಸೇರಿದಂತೆ ಹಲವು ವಿಷಯಗಳ ಮೇಲೆ ಕಣ್ಣಿಡಲಿದ್ದು, ಇವುಗಳನ್ನು ಉತ್ತಮ ಪಡಿಸಲು ಕಾರ್ಯನಿರ್ವಹಿಸುತ್ತದೆ.