ಚಿನ್ನಸ್ವಾಮಿಯ ಸಬ್‌ಏರ್‌ಗೆ ಟ್ವೀಟರ್‌ನಲ್ಲಿ ಗಂಭೀರ್‌ ಶ್ಲಾಘನೆ

ಬೆಂಗಳೂರು: ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಅಳವಡಿಸಲಾಗಿರುವ ಅತ್ಯಾಧುನಿಕ ಸೌಕರ್ಯವುಳ್ಳ ಸಬ್‌ಏರ್‌ ಸಿಸ್ಟಮ್‌ ಬಗ್ಗೆ ಕೋಲ್ಕತಾ ನೈಟ್‌ ರೈಡರ್ ತಂಡದ ನಾಯಕ ಗೌತಮ್‌ ಗಂಭೀರ್‌ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ. 

ಮಳೆಯಿಂದಾಗಿ ನಾವು ಕೂಟವನ್ನೇ ಕಳೆದುಕೊಳ್ಳುವ ಆತಂಕಕ್ಕೆ ಸಿಲುಕಿದ್ದೆವು. ಆದರೆ ಸೂಕ್ತ ಸಮಯದಲ್ಲಿ ಸಬ್‌ಏರ್‌ ಸಿಸ್ಟಮ್‌ ಅಳವಡಿಕೆಯಿಂದ ಪಂದ್ಯ ಮತ್ತೆ ನಡೆಸುವಂತಾಯಿತು. ಕೆಎಸ್‌ಸಿಎಗೆ ದೊಡ್ಡ ಧನ್ಯವಾದಗಳು ಎಂದು ಅವರು ಟ್ವೀಟರ್‌ನಲ್ಲಿ ಬರೆದುಕೊಂಡಿದ್ದಾರೆ.

ಶಾರುಖ್‌ ಅಸಮಾಧಾನ: ಕೆಕೆಆರ್‌ ಗೆದ್ದಿದ್ದರೂ ತಂಡದ ಮಾಲೀಕ ಶಾರುಖ್‌ ಖಾನ್‌ ಹೆಚ್ಚು ಸಂತೋಷಗೊಂಡಿಲ್ಲ. ಇದಕ್ಕೆ ಕಾರಣ ಹೆಚ್ಚುವರಿ ದಿನವನ್ನು ಬಿಸಿಸಿಐ ಇಡದೇ ಇರುವುದು. ಇದನ್ನು ಟ್ವೀಟರ್‌ನಲ್ಲಿ ಶಾರುಖ್‌ ಬಹಿರಂಗವಾಗಿಯೇ ಟೀಕಿಸಿದ್ದಾರೆ. ಕೆಕೆಆರ್‌ ಗೆದ್ದ ಖುಷಿ ನನಗಿದೆ. ಆದರೆ ಮಳೆಯಿಂದ ಹಾಳಾಗುವ ಪ್ಲೇಆಫ್ ಪಂದ್ಯಗಳಿಗೆ ಹೆಚ್ಚುವರಿ ದಿನವನ್ನು ನೀಡಬೇಕಿತ್ತು ಎಂದು ತಿಳಿಸಿದ್ದಾರೆ.