ತಮಿಳು ನಾಡು ರೈತರಿಗೆ 3 ವಿಮಾ ಕಂಪೆನಿಗಳಿಂದ 928 ಕೋಟಿ ಪರಿಹಾರ

ತಂಜಾವೂರು : ಬೆಳೆ ವಿಮೆ ಯೋಜನೆಯಡಿ ತಮಿಳು ನಾಡಿನ ರೈತರಿಗೆ 2016-17ರ ಹಣಕಾಸು ವರ್ಷದಲ್ಲಿ  ಮೂರು ವಿಮಾ ಕಂಪೆನಿಗಳು 928 ಕೋಟಿ ರೂ. ಪರಿಹಾರ ಮಂಜೂರು ಮಾಡಿವೆ ಎಂದು ಕೃಷಿ ಸಚಿವ ಆರ್‌ ದುರೈಕಣ್ಣು ತಿಳಿಸಿದ್ದಾರೆ. 

ಮುಂದಿನ ಹತ್ತು ದಿನಗಳ ಒಳಗಾಗಿ ರೈತರ ಖಾತೆಗಳಿಗೆ ಅವರಿಗೆ ಮಂಜೂರಾಗಿರುವ ಪರಿಹಾರ ಧನವನ್ನು ಜಮೆ ಮಾಡಲಾಗುವುದು ಎಂದವರು ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ತಮಿಳು ನಾಡು ಸರಕಾರ ರೈತರಿಗೆ ಕೃಷಿ ಬಿತ್ತನೆ ಬೀಜ, ಸಾವಯವ ಗೊಬ್ಬರ ಮತ್ತು ನೀರಾವರಿ ಪರಿಕರಗಳನ್ನು ಖರೀದಿಸಲು ಕುರುವಾಯಿ ವಿಶೇಷ ಪ್ಯಾಕೇಜ್‌ ರೂಪದಲ್ಲಿ ಈಗಾಗಲೇ 56.92 ಕೋಟಿ ರೂ.ಗಳನ್ನು ಪ್ರಕಟಿಸಿದೆ ಎಂದವರು ಹೇಳಿದರು.