ಬೆಂಗಳೂರು ಓಪನ್‌ ಟೆನಿಸ್‌: ಸಾಕೇತ್‌ ಮೈನೇನಿಗೆ ಸೋಲು

ಬೆಂಗಳೂರು: ಬೆಂಗಳೂರು ಓಪನ್‌ ಟೆನಿಸ್‌ ಪಂದ್ಯಾವಳಿಯಲ್ಲಿ ಭಾರತಕ್ಕೆ ಮಿಶ್ರ ಫ‌ಲಿತಾಂಶ ಸಿಕ್ಕಿದೆ. ಮೊದಲ ಸುತ್ತಿನ ಪಂದ್ಯದಲ್ಲೇ ವೈಲ್ಡ್‌ ಕಾರ್ಡ್‌ ಮೂಲಕ ಪ್ರವೇಶ ಪಡೆದಿದ್ದ ಸಾಕೇತ್‌ ಮೈನೇನಿ ಇಟಲಿಯ ಗೈನ್‌ ಮಾರ್ಕೋ ಮೋರೋನಿ ವಿರುದ್ಧ ಸೋತಿದ್ದಾರೆ. ಪ್ರವೇಶ ಸುತ್ತಿನ ಪಂದ್ಯದಲ್ಲಿ ಭಾರತದ ಮತ್ತೂಬ್ಬ ಆಟಗಾರ ಅರ್ಜುನ್‌ ಖಾಡೆ ಗೆದ್ದು ಪ್ರಧಾನ ಸುತ್ತು ಪ್ರವೇಶಿಸಿದ್ದಾರೆ.

ಮೈನೇನಿ ಅವರು ಮೋರೋನಿ ವಿರುದ್ಧ 1-6, 1-6 ಅಂತರದಲ್ಲಿ ಸೋತರು. ಖಾಡೆ ಆಸ್ಟ್ರಿಯಾದ ಅಲೆಕ್ಸಾಂಡರ್‌ ಎರ್ಲರ್‌ ವಿರುದ್ಧ 6-3, 6-4 ಅಂತರದ ಗೆಲುವು ಸಾಧಿಸಿದರು. ಸಾಕೇತ್‌ ಸೋಲಿನಿಂದಾಗಿ ಪಂದ್ಯಾವಳಿಯಲ್ಲಿ ಭಾರತದ ಆರು ಮಂದಿ ಮಾತ್ರ ಉಳಿದಂತಾಗಿದೆ.

ಅರ್ಜುನ್‌ ಅವರು ಮುಂದಿನ ಸುತ್ತಿನಲ್ಲಿ ಐದನೇ ಶ್ರೇಯಾಂಕಿತ ಟರ್ಕಿಯ ಅಲ್ತಗ್‌ ಸೆಲಿಕ್‌ ಬ್ಲೇಕ್‌ ಅವರನ್ನು ಎದುರಿಸಲಿದ್ದಾರೆ.