ಗ್ಯಾಲಾಕ್ಸಿ ಶೋಧಿಸಿದ ಪಾದ್ರಿ

ಪಣಜಿ: ಭಾರತದ ಕ್ಯಾಥೋಲಿಕ್‌ ಪಾದ್ರಿ ಹಾಗೂ ಬಾಹ್ಯಾಕಾಶ ಸಂಶೋಧಕ ರಿಚರ್ಡ್‌ ಡಿಸೋಜಾ ವಿಶಿಷ್ಟ ಸಂಶೋಧನೆ ಮಾಡಿದ್ದು, ತುಂಬಾ ಹಿಂದೆ ಕಳೆದು ಹೋಗಿದೆ ಎಂದು ವಿಜ್ಞಾನಿಗಳು ಭಾವಿಸಿದ್ದ ಗ್ಯಾಲಾಕ್ಸಿಯ ವಿವರವನ್ನು ಪತ್ತೆ ಮಾಡಿದ್ದಾರೆ. ಡಿಸೋಜಾ ಹಾಗೂ ಸಹ ಸಂಶೋಧಕ ಎರಿಕ್‌ ಬೆಲ್‌ ಜೊತೆಗೆ ನಡೆಸಿದ ಸಂಶೋಧನೆಯಲ್ಲಿ, ಎಂ23ಪಿ ಎಂಬ ಹೆಸರಿನ ಗ್ಯಾಲಾಕ್ಸಿಯ ಬಗ್ಗೆ ಮಹತ್ವದ ಮಾಹಿತಿ ಕಲೆಹಾಕಿದ್ದಾರೆ.

ಇಪ್ಪತ್ತು ಕೊಟಿ ವರ್ಷಗಳ ಹಿಂದೆ ಈ ಗ್ಯಾಲಾಕ್ಸಿ ಸಮೀಪದಲ್ಲಿನ ಆಂಡ್ರೋಮೆಡಾ ಗ್ಯಾಲಾಕ್ಸಿಯಲ್ಲಿ ಲೀನವಾಗಿದೆ. ಈ ಗ್ಯಾಲಾಕ್ಸಿಯು ಮೂರನೇ ಅತಿದೊಡ್ಡದಾ ಗಿದ್ದು, ಮಿಲ್ಕಿ ವೇ ಮತ್ತು ಆಂಡ್ರೋಮೆಡಾ ಒಂದು ಮತ್ತು ಎರಡನೆ ಸ್ಥಾನದಲ್ಲಿದ್ದವು. ಕಂಪ್ಯೂಟರ್‌ ಮಾಡೆಲ್‌ಗ‌ಳನ್ನು ಬಳಸಿ ಡಿಸೋಜಾ ಹಾಗೂ ಬೆಲ್‌ ಎಲ್ಲ ಸಾಕ್ಷ್ಯಗಳನ್ನು ಒಟ್ಟಾಗಿಸಿ, ಇದರ ಬಗ್ಗೆ ಸಮಗ್ರ ವರದಿಯನ್ನು ರೂಪಿಸಿದ್ದಾರೆ. ಈ ವರದಿ ನೇಚರ್‌ ಆಸ್ಟ್ರೋನಮಿಯಲ್ಲಿ ಪ್ರಕಟವಾಗಿದೆ.

ಈ ಗ್ಯಾಲಕ್ಸಿಯ ಬಗ್ಗೆ ಸಂಶೋಧನೆ ನಡೆಸಿದ್ದರಿಂದಾಗಿ, ವಿಲೀನ ಪ್ರಕ್ರಿಯೆಯ ಬಗ್ಗೆ ಇನ್ನಷ್ಟು ಅಧ್ಯಯನ ನಡೆಸಲು ವಿಜ್ಞಾನಿಗಳಿಗೆ ಅನುಕೂಲವಾಗಿದೆ. ಈ ಪ್ರಾಜೆಕ್ಟ್ ಅತ್ಯಂತ ಸವಾಲಿನದಾಗಿತ್ತು. ಇದರಲ್ಲಿ ನಾವು ಯಶಸ್ವಿಯಾಗಿದ್ದೇವೆ. ಈ ಪ್ರಕ್ರಿಯೆಯಲ್ಲಿ ನಾವು ತುಂಬಾ ಕಲಿತಿದ್ದೇವೆ ಎಂದು ಡಿಸೋಜಾ ಹೇಳಿದ್ದಾರೆ.