ಸ್ಕಾರ್ಪೀನ್ ದರ್ಜೆಯ ವಗೀರ್‌ ಜಲಾಂತರ್ಗಾಮಿ ಹಸ್ತಾಂತರ

ನವದೆಹಲಿ: ಭಾರತೀಯ ನೌಕಾಪಡೆಯ ಸಮರ ಸಾಮರ್ಥ್ಯಕ್ಕೆ ಮತ್ತಷ್ಟು ಬಲ ಬಂದಿದೆ. 5ನೇ ಸ್ಕಾರ್ಪೀನ್ ದರ್ಜೆಯ ಜಲಾಂತರ್ಗಾಮಿ “ವಗೀರ್‌’ ಅನ್ನು ಮಂಗಳವಾರ ನೌಕಾಪಡೆಗೆ ಹಸ್ತಾಂತರಿಸಲಾಗಿದೆ. ಪ್ರಾಜೆಕ್ಟ್-75 ಅಡಿ ಈ ಸಬ್‌ಮರೀನ್‌ ಅನ್ನು ನಿರ್ಮಿಸಲಾಗಿದೆ.

ಸ್ಕಾರ್ಪೀನ್ ವಿನ್ಯಾಸದಲ್ಲಿ 6 ಜಲಾಂತರ್ಗಾಮಿಗಳನ್ನು ದೇಶೀಯವಾಗಿ ನಿರ್ಮಿಸುವುದೇ ಪ್ರಾಜೆಕ್ಟ್ -75 ಉದ್ದೇಶವಾಗಿದೆ.

ಕಳೆದ ಭಾನುವಾರವಷ್ಟೇ ಸ್ವದೇಶಿ ನಿರ್ಮಿತ ಕ್ಷಿಪಣಿ ನಾಶಕ ಯುದ್ಧನೌಕೆ ಐಎನ್‌ಎಸ್‌ ಮೊರ್ಮುಗಾವೋ ನೌಕಾಪಡೆಗೆ ಸೇರ್ಪಡೆಯಾಗಿತ್ತು.