US: ಅಮೆರಿಕ ರಾಜಕೀಯದಲ್ಲಿ ಭಾರತೀಯರ ರಾಜ್ಯಭಾರ

ವಾಷಿಂಗ್ಟನ್‌: ಅಮೆರಿಕ ರಾಜಕೀಯ ರಂಗದಲ್ಲಿ ಭಾರತೀಯ ಮೂಲದ ಅಮೆರಿಕನ್‌ ಪ್ರಜೆಗಳ ಛಾಪು ಹೆಚ್ಚುತ್ತಿರುವ ನಡುವೆಯೇ ಇತ್ತೀಚೆಗಷ್ಟೇ ದೇಶದ ಹಲವು ಭಾಗಗಳಲ್ಲಿ ನಡೆದ ಸ್ಥಳೀಯ ಮತ್ತು ಪ್ರಾಂತೀಯ ಮಟ್ಟದ ಚುನಾವಣೆಗಳಲ್ಲಿ ಸರಿಸುಮಾರು 10 ಮಂದಿ ಭಾರತೀಯ ಅಮೆರಿಕನ್ನರು ವಿಜಯಪತಾಕೆ ಹಾರಿಸಿದ್ದಾರೆ. ಈ ಪೈಕಿ ಬಹುತೇಕರು ಡೆಮಾಕ್ರಟಿಕ್‌ ಪಕ್ಷದವರೇ ಆಗಿದ್ದಾರೆ.

ವರ್ಜೀನಿಯಾದಿಂದ ಹೈದರಾಬಾದ್‌ ಮೂಲದ ಗಜಾಲಾ ಹಶ್ಮೀ, ಸುಹಾಸ್‌ ಸುಬ್ರಮಣ್ಯಂ, ಕಣ್ಣನ್‌ ಶ್ರೀನಿವಾಸನ್‌ ಆಯ್ಕೆಯಾಗಿ ಮೂವರು ಸೆನೆಟರ್‌ಗಳು ಭಾರತೀಯ ಮೂಲದವರೆಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಅದೇ ರೀತಿ ನ್ಯೂಜೆರ್ಸಿಯಿಂದ ವಿನ್‌ಗೋಪಾಲ್‌, ರಾಜ್‌ ಮುಖರ್ಜಿ ಹಾಗೂ ಬಲ್ವಿರ್‌ ಸಿಂಗ್‌ ಮರು ಆಯ್ಕೆಯಾಗಿದ್ದಾರೆ. ಇನ್ನು ಪೆನ್ಸಿಲ್ವೇನಿಯಾದಲ್ಲಿ ನೀಲ್‌ ಮಖೀಜಾ ಹಾಗೂ ಇಂಡಿಯಾನದ ಕಾರ್ಮೆಲ್‌ ಸಿಟಿ ಕೌನ್ಸಿಲ್‌ನಲ್ಲಿ ಡಾ. ಅನಿತಾ ಜೋಶಿ, ಗಹನ್ನಾ ಸಿಟಿಯಲ್ಲಿ ಪ್ರಿಯಾ ತಮಿಳರಸನ್‌ ಮತ್ತು ಹಾರ್ಟ್‌ಫೋರ್ಡ್‌ನಲ್ಲಿ ಅರುಣನ್‌ ಅರುಲಂಪಾಲಂ ಗೆಲುವು ಸಾಧಿಸಿದ್ದಾರೆ. ಈ ಬೆಳವಣಿಗೆ ಅಮೆರಿಕದಲ್ಲಿ ಭಾರತೀಯ ಸಮುದಾಯದ ಸಬಲೀಕರಣವನ್ನು ಪ್ರತಿಬಿಂಬಿಸುತ್ತಿದೆ.