ಅಮೆರಿಕದಿಂದ ಪ್ರಿಡೇಟರ್‌ ಡ್ರೋನ್‌ ಖರೀದಿಯಲ್ಲಿ ಪ್ರಗತಿ

ನವದೆಹಲಿ: ಅಮೆರಿಕದಿಂದ ಪ್ರಿಡೇಟರ್‌ ಡ್ರೋನ್‌ಗಳನ್ನು ಖರೀದಿ ಮಾಡುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರದ ಮಹತ್ವದ ಪ್ರಗತಿ ಸಾಧಿಸಿದೆ.

3 ಬಿಲಿಯನ್‌ ಅಮೆರಿಕನ್‌ ಡಾಲರ್‌ ಮೊತ್ತದ ಈ ಖರೀದಿ ಒಪ್ಪಂದದ ಅನ್ವಯ 30 ಎಂಕ್ಯೂ-9ಬಿ ಡ್ರೋನ್‌ಗಳನ್ನು ಖರೀದಿ ಮಾಡಲಾಗುತ್ತಿದೆ. ಜನರಲ್‌ ಅಟೋಮಿಕ್ಸ್‌ ಗ್ಲೋಬಲ್‌ ಕಾರ್ಪೊರೇಷನ್‌ನ ಸಿಇಒ ಡಾ.ವಿವೇಕ್‌ ಲಾಲ್‌ ಮಾತನಾಡಿ ಎರಡು ಸರ್ಕಾರಗಳ ನಡುವೆ ಮಾತುಕತೆ ಪ್ರಗತಿಯ ಹಂತದಲ್ಲಿದೆ ಎಂದು ಹೇಳಿದ್ದಾರೆ.

ಈ ಡ್ರೋನ್‌ ಭಾರತಕ್ಕೆ ಸಿಕ್ಕಿದರೆ ಹಿಂದೂ ಮಹಾಸಾಗರ ವ್ಯಾಪ್ತಿಯಲ್ಲಿ ಚೀನಾ ನಡೆಸುವ ಕಿಡಿಗೇಡಿತನದ ಮೇಲೆ ನಿಗಾ ಇರಿಸಲು ನೆರವಾಗಲಿದೆ. ಇದೇ ಡ್ರೋನ್‌ನ ಮತ್ತೂಂದು ಆವೃತ್ತಿಯ ಮೂಲಕ ಅಲ್‌ ಖೈದಾ ಸಂಘಟನೆಯ ಉಗ್ರ ಅಯ್‌ಮಾನ್‌ ಅಲ್‌-ಜವಾಹಿರಿಯನ್ನು ಕೊಲ್ಲಲಾಗಿತ್ತು.