Unofficial Test: ಭಾರತ “ಎ’ ತಂಡಕ್ಕೆ ಮತ್ತೂಂದು ಸೋಲು

ಮೆಲ್ಬರ್ನ್: ಆತಿಥೇಯ ಆಸ್ಟ್ರೇಲಿಯ “ಎ’ ವಿರುದ್ಧದ ದ್ವಿತೀಯ ಅನಧಿಕೃತ ಟೆಸ್ಟ್‌ ಪಂದ್ಯ ದಲ್ಲೂ ಭಾರತ “ಎ’ ಸೋಲನುಭವಿಸಿದೆ.

ಮೊದಲ ಪಂದ್ಯವನ್ನು 7 ವಿಕೆಟ್‌ಗಳಿಂದ ಜಯಿ ಸಿದ್ದ ಆಸ್ಟ್ರೇಲಿಯ “ಎ’, ಮೆಲ್ಬರ್ನ್ ಅಂಗಳದಲ್ಲಿ 6 ವಿಕೆಟ್‌ಗಳ ಜಯ ಸಾಧಿಸಿತು. ಗೆಲುವಿಗೆ 168 ರನ್‌ ಮಾಡಬೇಕಿದ್ದ ಆತಿಥೇಯ ತಂಡ, 4 ವಿಕೆಟಿಗೆ 169 ರನ್‌ ಬಾರಿಸಿತು.

ಪ್ರಸಿದ್ಧ್ ಕೃಷ್ಣ ಮೊದಲ ಓವರ್‌ನ ಸತತ ಎಸೆತ ಗಳಲ್ಲಿ ಮಾರ್ಕಸ್‌ ಹ್ಯಾರಿಸ್‌ ಮತ್ತು ಕ್ಯಾಮರಾನ್‌ ಬಾನ್‌ಕ್ರಾಫ್ಟ್ ವಿಕೆಟ್‌ ಹಾರಿಸಿ ಆಸೆ ಚಿಗುರಿಸಿದರು. ಆದರೆ ನಾಯಕ ನಥನ್‌ ಮೆಕ್‌ಸ್ವೀನಿ (25), ಸ್ಯಾಮ್‌ ಕೋನ್‌ಸ್ಟಾಸ್‌ (ಔಟಾಗದೆ 73), ಒಲಿವರ್‌ ಡೇವಿಸ್‌ (23) ಮತ್ತು ಬ್ಯೂ ವೆಬ್‌ಸ್ಟರ್‌ (ಔಟಾಗದೆ 46) ತಂಡವನ್ನು ದಡ ಮುಟ್ಟಿಸಿದರು.

ಇದಕ್ಕೂ ಮುನ್ನ 73ಕ್ಕೆ 5 ವಿಕೆಟ್‌ ಕಳೆದುಕೊಂಡಿದ್ದ ಭಾರತ, ಶನಿವಾರದ ಆಟವನ್ನು ಮುಂದುವರಿಸಿ 229 ರನ್‌ ಮಾಡಿತು. ಧ್ರುವ ಜುರೆಲ್‌ ಮತ್ತೂಂದು ಅಮೋಘ ಬ್ಯಾಟಿಂಗ್‌ ಪ್ರದರ್ಶನದ ಮೂಲಕ 68 ರನ್‌ ಹೊಡೆದರು.