ಧ್ವಜಾರೋಹಣ ನಡೆಸದ ಸಿಇಓ:ಡಿಆರ್ಗೆ ದೂರು ಸಲ್ಲಿಕೆ

ಮುದ್ದೇಬಿಹಾಳ: ತಾಲೂಕಿನ ಬಸರಕೋಡ ಗ್ರಾಮದಲ್ಲಿರುವ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದಲ್ಲಿ 75ನೇ ಸ್ವಾತಂತ್ರ್ಯ ದಿನವನ್ನು ಆಚರಿಸಲಾಗಿಲ್ಲ. ಧ್ವಜಾರೋಹಣವನ್ನೂ ಮಾಡಿಲ್ಲ. ಸಂಘದ ಬೀಗವನ್ನೂ ತೆಗೆಯದೆ ನಿರ್ಲಕ್ಷ್ಯ ತೋರಲಾಗಿದೆ.

ಇದನ್ನೂ ಓದಿ:ಸ್ವಾತಂತ್ರ್ಯದ ಕಿಚ್ಚು ನೆನಪಿಸುವ ಚನ್ನಪಟ್ಟಣದ ಗಾಂಧಿ ಭವನ

ಇದು ರೈತರು ಮಾತ್ರವಲ್ಲದೆ ಅದೇ ಸಂಘದ ಅಧ್ಯಕ್ಷರು ಹಾಗೂ ಡಿಸಿಸಿ ಬ್ಯಾಂಕ್ ನಿರ್ದೇಶಕರ ಕೆಂಗಣ್ಣಿಗೆ ಗುರಿಯಾಗಿದೆ. ಇದಕ್ಕೆ ಕಾರಣನಾಗಿರುವ ಮುಖ್ಯ ಕಾರ್ಯನಿರ್ವಾಹಕ (ಸಿಇಓ) ಚಂದ್ರಶೇಖರ ಮೇಟಿ ವಿರುದ್ಧ ಕ್ರಮ ಕೈಕೊಳ್ಳುವಂತೆ ಒತ್ತಾಯಿಸಿ ಸಂಘದ ಅಧ್ಯಕ್ಷರೂ ಆಗಿರುವ ಜಿಪಂ ಮಾಜಿ ಸದಸ್ಯ ಹೇಮರಡ್ಡಿ ಮೇಟಿ, ವಿಜಯಪುರ ಡಿಸಿಸಿ ಬ್ಯಾಂಕ್‍ ನಿರ್ದೇಶಕ ಸೋಮನಗೌಡ ಬಿರಾದಾರ ಅವರು ಸಹಕಾರ ಸಂಘಗಳ ವಿಜಯಪುರ ಜಿಲ್ಲಾ ಉಪ ನಿಬಂಧಕರಿಗೆ (ಡಿಆರ್) ದೂರು ಸಲ್ಲಿಸಿದ್ದಾರೆ.