Ayodhya ಶ್ರೀ ರಾಮಮಂದಿರ ಉದ್ಘಾಟನೆ: ಹುಬ್ಬಳ್ಳಿ ಧಾರವಾಡದಲ್ಲಿ 1 ಲಕ್ಷ 25 ಸಾವಿರ ಭಗವಾಧ್ವಜ

ಧಾರವಾಡ: ಅಯೋಧ್ಯೆಯಲ್ಲಿ ಶ್ರೀರಾಮಂದಿರ ಉದ್ಘಾಟನೆ ಹಿನ್ನೆಲೆ ರಾಜ್ಯದ ಅತಿ ದೊಡ್ಡ ಮಹಾನಗರ ಹುಬ್ಬಳ್ಳಿ ಧಾರವಾಡ ಅವಳಿನಗರದ ಧಾರವಾಡ ಲೋಕಸಭಾ ಕ್ಷೇತ್ರದಲ್ಲಿ 1 ಲಕ್ಷ  ಹಾಗೂ ಧಾರವಾಡ ನಗರದಲ್ಲಿ 25 ಸಾವಿರ ಭಗವಾಧ್ವಜ ಮನೆಗಳ ಮೇಲೆ ಹಾರಿಸಲು ಯೋಜಿಸಲಾಗಿದೆ.

ಈ ನಿಮಿತ್ತ ಇಂದು ಕೇಂದ್ರ ಸಚಿವ ಪ್ರಹ್ಲಾದ ಜೋಶಿ ಧಾರವಾಡದಲ್ಲಿ ಭಗವಾಧ್ವಜಗಳನ್ನು ಅನಾವರಣಗೊಳಿಸಿದರು.

ಜನವರಿ 15 ರಿಂದ ಜನವರಿ 22 ರವರೆಗೂ ಒಟ್ಟು 1 ಲಕ್ಷ 25 ಸಾವಿರ ಭಗವಾಧ್ವಜಗಳು ಹಾರಾಡಲಿದ್ದು, ಇದರಲ್ಲಿ ಪ್ರಭು ಶ್ರೀರಾಮನ ಚಿತ್ರ ಅಳವಡಿಸಲಾಗಿದೆ.

ಈ ಸಂದರ್ಭದಲ್ಲಿ ದಕ್ಷಿಣ ಭಾರತ ಹಿಂದಿ ಪ್ರಚಾರ ಸಭಾದ ಅಧ್ಯಕ್ಷ ಹಾಗೂ ಮಾಜಿ ಮೇಯರ್ ಈರೇಶ ಅಂಚಟಗೇರಿ, ಮಾಜಿ ಶಾಸಕರಾದ ಅಮೃತ ದೇಸಾಯಿ, ಸೀಮಾ ಮಸೂತಿ, ಬಿಜೆಪಿ ಮುಖಂಡರಾದ ಸಂಜಯ ಕಪಟಕರ, ಸುನೀಲ‌ ಮೋರೆ, ಶ್ರೀನಿವಾಸ ಕೊಟ್ಯಾನ್, ಶಕ್ತಿ ಹಿರೇಮಠ ಉಪಸ್ಥಿತರಿದ್ದರು.