ಗುಜರಾತಲ್ಲಿ ಬಿಜೆಪಿ “ಶತಕ’

ಅಹಮದಾಬಾದ್‌: ಗುಜರಾತ್‌ನ ಜಸಾªನ್‌ ಕ್ಷೇತ್ರಕ್ಕೆ ನಡೆದ ಉಪ ಚುನಾವಣೆಯಲ್ಲಿ ಬಿಜೆಪಿ ಅಭ್ಯರ್ಥಿ ಕುನ್ವರಾಜ್‌ ಬವಾಲಿಯಾ ಗೆದ್ದಿದ್ದಾರೆ. ಇದರಿಂದಾಗಿ 182 ಸದಸ್ಯ ಬಲದ ಗುಜರಾತ್‌ ವಿಧಾನಸಭೆಯಲ್ಲಿ ಬಿಜೆಪಿ ಸದಸ್ಯ ಬಲ ಭರ್ತಿ 100 ಆಗಿದೆ. ಕಾಂಗ್ರೆಸ್‌ಗೆ 1 ಸ್ಥಾನ ನಷ್ಟವಾಗಿ 76ಕ್ಕೆ ಬಂದಿದೆ. ಬವಾಲಿಯಾ ಅವರು ಕಾಂಗ್ರೆಸ್‌ ಅಭ್ಯರ್ಥಿಯಾದ ಅವಸರ್‌ ನಕಿಯಾರನ್ನು 19, 979 ಮತಗಳ ಅಂತರದಿಂದ ಸೋಲಿಸಿದ್ದಾರೆ. ಕಾಂಗ್ರೆಸ್‌ನಲ್ಲಿದ್ದ ಬವಾಲಿಯಾ ಜು.2ರಂದು ಪಕ್ಷಕ್ಕೆ ರಾಜೀನಾಮೆ ನೀಡಿ, ಬಿಜೆಪಿ ಸೇರ್ಪಡೆಯಾಗಿದ್ದರು. ಅವರಿಗೆ ಸಚಿವ ಸ್ಥಾನ ನೀಡಲಾಗಿತ್ತು. 2017ರಲ್ಲಿ ನಡೆದಿದ್ದ ಚುನಾವಣೆಯಲ್ಲಿ ಕಾಂಗ್ರೆಸ್‌ ಅಭ್ಯರ್ಥಿಯಾಗಿ ಅವರು ಅದೇ ಕ್ಷೇತ್ರದಿಂದ ಗೆದ್ದಿದ್ದರು.