ಇಮ್ರಾನ್‌ ಖಾನ್‌ ಹೊಸ ಹಾದಿ; 65ರಲ್ಲಿ ಮೂರನೇ ಶಾದಿ!

ಇಸ್ಲಮಾಬಾದ್‌:ಪಾಕಿಸ್ಥಾನದ ಮಾಜಿ ಕ್ರಿಕೆಟಿಗ, ತೆಹರಿಕ್‌-ಇ-ಇನ್‌ಸಾನ್‌ ಪಕ್ಷದ ಅಧ್ಯಕ್ಷ ಇಮ್ರಾನ್‌ ಖಾನ್‌ ತನ್ನ 65 ನೇ ಹರೆಯದಲ್ಲಿ 3 ನೇ ನಿಖಾ ಮಾಡಿಕೊಂಡು ಸುದ್ದಿಯಾಗಿದ್ದಾರೆ. 

ತನ್ನ ಧಾರ್ಮಿಕ ಸಲಹೆಗಾರ್ತಿಯಾಗಿದ್ದ  40ರ ಹರೆಯದ 5 ಮಕ್ಕಳ ತಾಯಿಯಾಗಿರುವ ಬುಶ್ರಾ ಮನೇಕಾ ಎನ್ನುವರೊಂದಿಗೆ ಲಾಹೋರ್‌ನಲ್ಲಿ ಹೊಸ ಬಾಳಿಗೆ ಕಾಲಿರಿಸಿದ್ದಾರೆ.

ಬಶ್ರಾ ಸಹೋದರನ ಮನೆಯಲ್ಲಿ  ನಡೆದ ಸರಳ ಸಮಾರಂಭದಲ್ಲಿ ನಿಖಾ ನಡೆದಿದ್ದು, ಬೆರಳೆಣಿಕೆಯ ಆಪ್ತರು ಮತ್ತು ಸಂಬಂಧಿಕರು ಮಾತ್ರ ಹಾಜರಿದ್ದರು ಎಂದು ತಿಳಿದು ಬಂದಿದೆ.

ಇಮ್ರಾನ್‌ ಖಾನ್‌ಗೆ ಈ ವಯಸ್ಸಿನಲ್ಲಿ ಇನ್ನೊಂದು ಮದುವೆಯಾದರೆ ಅದೃಷ್ಟ ಖುಲಾಯಿಸುತ್ತದೆ. ಪಾಕ್‌ ಪ್ರಧಾನಿಯಾಗುವ ಸಾಧ್ಯತೆಗಳಿವೆ ಎಂದು ಹೇಳಲಾಗಿದ್ದು, ಅದಕ್ಕಾಗಿಯೇ ಮತ್ತೊಂದು ಮದುವೆಯಾಗಿದ್ದಾರೆ ಎನ್ನಲಾಗಿದೆ.