IMD:ಬಿರು ಬಿಸಿಲು ಉತ್ತಮ ಮುಂಗಾರು ಮಳೆಗೆ ದಾರಿ

ಹೊಸದಿಲ್ಲಿ: ಸದ್ಯ ದೇಶದಲ್ಲಿ ಸುಡುತ್ತಿರುವ ಬಿಸಿಲು ಉತ್ತಮ ಮುಂಗಾರು ಮಳೆಯಾಗುವ ಮನ್ಸೂಚನೆ ಯಾ ಗಿದೆ. ಹೀಗೆಂದು ಭಾರತೀಯ ಹವಾಮಾನ ಇಲಾಖೆ ನಿರ್ದೇಶಕ ಮೃತ್ಯುಂಜಯ ಮೊಹಾಪಾತ್ರ ತಿಳಿಸಿದ್ದಾರೆ. ಆತಂಕಕಾರಿ ಎಲ್‌ ನಿನೋ ಪರಿಸ್ಥಿತಿ ಈ ವರ್ಷ ಮರೆಯಾಗಿದೆ ಎಂದಿದ್ದಾರೆ. ಜತೆಗೆ ದೊಡ್ಡ ಪ್ರಮಾಣದ ಹವಾಮಾನ ಬದಲಾವಣೆ ಮುಂಗಾರಿಗೆ ದಾರಿ ಮಾಡಿಕೊಡಲಿದೆ. ಈ ವರ್ಷ ಎಲ್‌ ನಿನೋ ಆತಂಕ ಮರೆಯಾಗಿದ್ದು ಜೂನ್‌ ಆರಂಭದ ವೇಳೆಗೆ ಎಲ್‌ ನಿನೋ ತಟಸ್ಥ ಸ್ಥಿತಿಗೆ ತಲುಪಬಹುದು.

ಕೇಂದ್ರ ಪೆಸಿಫಿಕ್‌ ಮಹಾಸಾಗರದಲ್ಲಿನ ಬಿಸಿ ವಾತಾವರಣ ನೈಋತ್ಯ ಮುಂಗಾರಿನ ಮೇಲೆ ಪರಿಣಾಮ ಬೀರಲಿದೆ. ಜತೆಗೆ ಜುಲೈ-ಸೆಪ್ಟಂಬರ್‌ ಮಳೆ ಲಾ ನಿನಾ ಪರಿಸ್ಥಿಗೆ ಸಾಕ್ಷಿಯಾಗಲಿದೆ. ಲಾ ನಿನಾ ಪರಿಸ್ಥಿತಿ ಮುಂಗಾರು ಮಳೆಗೆ ಉತ್ತಮವಾಗಿದೆ ಎಂದು ತಿಳಿಸಿದರು.