ನ್ಯೂಯಾರ್ಕ್‌: ನಾನೊಬ್ಬ ಏಲಿಯನ್‌ (ಅನ್ಯಗ್ರಹ ಜೀವಿ). ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಶೀಘ್ರವೇ ಸಾಕ್ಷಿ ನೀಡುತ್ತೇನೆ ಎಂದು ಸ್ಪೇಸ್‌ ಎಕ್ಸ್‌ ಮಾಲಿಕ ಎಲಾನ್ ಮಸ್ಕ್ ಹೇಳಿದ್ದಾರೆ.
ಇಲ್ಲಿ ನಡೆದ ವೀವಾ ಟೆಕ್ ಕಾರ್ಯಕ್ರಮದಲ್ಲಿ ಭಾಗಿಯಾದ ಅವರನ್ನು ನಿರೂಪಕರು ನಿಮ್ಮನ್ನು ಸಾಕಷ್ಟು ಜನ ಏಲಿಯನ್‌ ಎಂದುಕೊಂಡಿದ್ದಾರೆ, ನಿಮಗಿದು ಗೊತ್ತೇ ಎಂದು ಕೇಳಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಮಸ್ಕ್, ನಾನು ಏಲಿಯನ್‌ ಎಂದು ಹೇಳಿಕೊಂಡರೂ ಯಾರೂ ನಂಬುತ್ತಿಲ್ಲ.
ನಾನು ಬೇಕಿದ್ದರೆ ಶೀಘ್ರವೇ ಸಾಮಾಜಿಕ ಜಾಲತಾಣಗಳಲ್ಲಿ ಇದರ ಬಗ್ಗೆ ಸಾಕ್ಷಿ ನೀಡುತ್ತೇನೆ. ಆಗ ನಿಮಗೆ ಗೊತ್ತಾಗುತ್ತದೆ ಎಂದು ಹಾಸ್ಯದ ದಾಟಿಯಲ್ಲಿ ಉತ್ತರಿಸಿದರು.
ಇದೇ ವೇಳೆ ಕೃತಕ ಬುದ್ಧಿಮತ್ತೆ ಬಗ್ಗೆ ಮಾತನಾಡಿದ ಅವರು, ಎಐನಿಂದ ಮನುಷ್ಯ ಸಂತೋಷವಾಗಿರುವುದುನ್ನು ಕಲಿಯಬಹುದು. ಇದಕ್ಕಾಗಿಯೇ ಕೆಲಸಗಳನ್ನು ಕೈಗೊಳ್ಳಲಾಗುತ್ತಿದೆ ಎಂದರು.
